یانەیا ئاكرێ دانوستاندنێ دگەل ڕاهێنەرەكی و حەفت یاریزانان دكەت
رەمەزان زەكەریا
د داخویانیەكێ دا پەیڤدارێ یانەیا ئاكرێ یا وەرزشی ئاشكراكر كارگێرییا یانەیێ دگەل حەفت یاریزانێن ناڤخۆ یێن كوردستانێ دانۆستاندنێ دایە ب هیڤینە ل چەند رۆژێن بهێت گرێبەستێن وان بهێنە راگەهاندن .
زێدەتر سوهەیب عەلی بۆ رۆژناما ئەڤرۆ گۆت: هەتا نوكە سێ یاریزانێن یانەیا ئاكرێ رێزێن یانەیێ بجهێلاینە و وەكو دی هەموو یاریزان ماینە و نەچووینە، بۆ وەرزێ نوو یێ خولا فوتبۆلا نایابا كورستانێ دێ یاریێ بۆ یانەیا ئاكرێ كەن، هەروەسان كارگێری ل سەر هێلە دگەل راهێنەرەكێ ناڤخۆیا كوردستانێ بریارە دەمەك نیزیك پەیوەندیێ ب یانەیێ بكەت و بۆندا وی بهێتە راگەهاندن .
ناڤهاتی خویاكر: هەموو ئاستەنگێن هەمبەر یانەیێ ئابوورینە لێ یا گرنگ كو ئیماژەیێ پێ بكەین لقا نەها پارتی دیموكراتی كوردستان ل ئاكرێ كو وەكۆ هەر سال پشتەڤانیا خوە بۆ یانەیێ نیشاندایەو خواستیە كو ئەڤسالە ئاكرێ باشترین تیم هەبیت بۆ هەڤركیا ناسناڤان.
