ئەڤرۆ ل دهۆكێ دێ كۆپا ئیراقێ یا تیكۆنجتسۆیێ هێتە كرن
چاڤەڕێ دهێتە كرن ئەڤرۆ ب پشكدارییا زێدەتری 20 یانەیان ل سەر ئاستێ كوڕان و كچان قارەمانییا كۆپا ئیراقێ بۆ یارییا تیكۆنجتسۆ والسكی ل بنگەهێ وەرزش و لاوێن دهۆكێ بۆ یانەیێن ئیراقێ و كوردستانێ بهێتە كرن، كوڕ و كچێن دهۆكێ گەشبینن هەڤڕكیێ بۆ ڕێزێن پێشیێ و ناسناڤی بكەن.
ل دۆر ڤێ یەكێ مەحموود ئیبراهیم سەرۆكێ فدراسیۆنا ئیراقێ بۆ یارییا تیكۆنجتسۆ و ئالسكی دیار كر، پشتی بۆ ماوەیێ چار رۆژان هاتییە پاشئێخستن بڕیارە ئەڤرۆ كۆپا ئیراقێ ب پشكدارییا هژمارەكا ئێكجار زوور ژ یاریزانێن كور و كچ پێكهاتیێ زێدەتری 20 یانە و بگەهـ و فێرگەهێن وەرزش یێن كوردستانی و ئیراقی نە ئەوا دێ بۆ ماوەیێ حەفت رۆژان بەردەوامبیت تێدا چەند چالاكییەكێن دی هەبن ئەوژی، دێ هەلبژارتنێن تمامكەر بۆ دەستەیا گشتی هەبن، دووڤدا ڕاستڤەكرنا هند بەندێن سیستەمێ نافخوە یێ فدراسیۆنێ، پشتی ئەڤ پرۆسێسە ب دووماهی دهێت دێ دەست ب هەڤڕكییان هێتە كرن ل سەر ئاستێ تازەپێگەهشتیان، لاوان و پێشكەڤتیان بۆ هەردو ئاستێن كوڕ و كچان.
هەروەسان ناڤهاتی گۆت: هەر د ماوەیێ قارەمانیێ دا دێ چالاكییا دانانا تاقیكرنێن ناڤەندی یا قایشا قەهوایی و رەش كو دهێتە هژمارتن پلەیێن بلند بۆ یاریزان ژبۆ پشكداریێن دەرڤە، دیسا ندێ خولەكا دادڤانییا دەستپێكی و دیسان ڤاڤارتنا دادڤانێن دەستپێكی ل پارێزگەها دهۆك و مووسلێ هێتە كرن.
هەروەسان مەحموود ئیبراهیم گۆت: ئەڤ قارەمانییە بۆ دیاركرنا خودان ناسناڤێن كۆپا ئیراقێ یە و دیسان ژبۆ ژێگرتنا یاریزانێن ڕێزێن ئێكێ هەتا سێیێ بۆ هەر كێشەكێ ب دەستڤە دئینن بهێنە داخوازكرن بۆ ناڤ ڕێزێن هەلبژارتیێ ئیراقێ خوە بەرهەڤكرن بۆ قارەمانییا عەرەبی ئەوا بڕیارە هەڤڕكیێن وێ ل چرییا دویێ یا بهێت ل ئێك ژ وەلاتێن مەغرب یان مسرێ بهێتە كرن، هەروەسان خوە بەرهەڤكرنە بۆ كۆپا ئاسیا ئەوا بڕیارە هەڤڕكیێن وێ ل چریا دویێ یا بهێت پایتەختێ ئیراقێ بەغدا مێڤاندارییا وێ بكەت، پێشوەخت ئەم سۆپاسییا هەموویان دكەین و گەشبینن دێ كاروانێ قارەمانیێ یێ سەركەڤتی بیت.
ژلایێ خوەڤە شیمال محەمەد سەرپەرشتێ یاریزانێن یانەیا ئافرەتێن دهۆكێ گۆت: ئەڤ قارەمانییە بۆ مە گەلەك یا گرنگە و دڤێت ئەم مفایی ژ مێڤانداریێ وەربگرین، ل پارێزگەها دهۆكێ مە یاریزانێن كوڕ و كچ كۆمەكا باش یێن هەین و هەڤڕكن و شیانێن هەڤڕكیێ بۆ ڕێزێن ئێكێ یێن هەین، بەرهەڤیێن مە تەمام بووینە و هەموو یاریزان ڕژدن پشكدارییەكا سەرفەراز بكەن و دەرگەهێ پشكداریێ د قارەمانیێن دەرڤە دا زێدەتر ڤەكەن.
هەروەسان ناڤهاتی گۆت: سۆپاسییا سەرۆكێ لژنەیا ئۆلمپی تایێ دهۆكێ و سەرۆكێ فدراسیۆنا تیكۆنجتسۆیا دهۆكێ و پارێزگارێ دهۆكێ كو ڕازیبووین و پشتەڤانییا مە دكەن ژبۆ مێڤانداریكرنا قارەمانیێ، گەشبینن دێ ئەنجامێن دلخوەشكەر ب دەستڤە ئینن.
