گەلەک داخوازی ل سەر ئاڤا كانی زەركێ هەنە
رەمەزان زەكەریا:
مامۆستا (خالد حاجی) دیرۆكناسێ ئاكرێ، ددیدارەكێ دا بۆ رۆژنامەیا ئەڤرۆ گۆت: ئاكرێ و كانی زەركا وێ گەلەكا كەڤن و دێرینە و بناڤ ودەنگە ٨٠ بۆ ٩٠ سالانە كانی هاتیە لێدان و ئاڤاكرن، ئاڤ لبن چیایی دهێتە دەر دەمێ دبیتە هاڤین چەند كەشوهەوا گەرم دبیت ئاڤ سار دبیت و ل دەمێ دبیتە زڤستان چەند كەشوهەوا سار دبیت ئاڤێ وێ گەرم دبیت و هەلم لێ دچیت.
ناڤبری گۆت: كانی زەركێ رۆلەكێ گرنگ هەبوو بەری سالێن پێنجیان ئاڤ ل گەڕەكا كێم بوو، خەلكی سەرشوو ل مال نەبوون وەك دابونەریت بووك و زاڤا د ئینانە سەر كانی زەركێ و پەردە بۆ بووكێ ڤەددان دەستە خوشكێن بووكێ سەرێ وێ د شوشت ب تلیلی و سترانا و بۆ زاڤایا ژی هەمان شێوە بۆ دەستە برایێن زاڤایان سەرێ زاڤای دشوشت پاشان بووك و زاڤا ل هەسپا سوار دكرن و دو كەسان سەرێ هەسپی دكێشا و خەنجەر ڤێ بوون ل رێك و رێك د رەقسین هەتا گەهشتبانە مال ئەڤ دیمەنێ هوسا یێ جوان و سەرنج راكێش خەلكێ مە دلخۆش دبوو هەتا بووك بربا مالا زاڤای.
