دەلیڤەیێ بدەنە ڕاهێنەر و یاریزانێن كوردستانی
حاجی دۆسكی
هەر د گەڤن دا تاكێ كورد خودان بەهرەیە د گەلەك لایەنێن ژیانێ دا، شیایە خوۆ دیاربكەت، لێ نە لدووڤ حەزا وی خاستێ لەورا هەتا ماوەیەكێ كورت دەست ژ وێ بەهری بەردایە ژیانا خۆ برێكەكا دی بوراندییە، دڤی سەر دەمی پێشەكەفتی دا گەلەك گەنجا ناڤێ وەلاتێ دایە نیاسین ل هەمی جیهانی ژبەر كو پشتەڤانی لێ هاتیە كرن، لەوما گەهشتە ئارمانجا خۆ، ئەگەر ئەم بەحس ل گەنجێ كوردستانێ بكەین بباوەرییا من كەسین گەلەك نایاب دناڤ مە دا هەنە لێ پترییا ل نیڤا ڕێ ماینە ژبەر نەبوونا پشتەڤانییا پێدڤی تایبەت لایەنی وەرزشی ئەم باس لێ بكەین، سەردەمێ حكومەتێن شوفینی ل ئیراقێ گەلەكا بزەحمەت بوو مە ناڤەكێ وەرزشڤانەكێ كورد گۆهلێبا چ ل خولا ئیراقێ یان دگەل هەلبژارتییێ ئیراقێ، ئەڤچەندە زور یا بزەحمەت بوو دبیت كێمەك هەبن ناڤێ هەلبزارتیێ ئیراقی یاریی كربیت، د نوكەدا ئەم شین دەلیڤێ بدەینە ڕاهینەر و یاریزانێ كوردستانێ یێ هەژییە و شیان زور باش هەنە، ئێدێ ئەو بەرپرسێن كارگێرییا یانەین وەرزشی دكەن ل كوردستانێ نەشێن چ بهانا بگرن كو وەرزشڤانێ كوردستانی نە ژ هەژی دەلیڤەیەكێ یە، وەكۆ ئەم دزانین كیم یانە هەنە ل خولا ستێرین ئیراقێ ناڤێ یاریزانەكێ كورد نە بینین نموونە دلوڤان مەهدی، هەلو فائق، ریۆان ئەمین و هەتا، لڤێری دێ بێژم نە بتنی یارییا فوتبۆلێ، بەلكو وەرزشی گشتی، یاریزان هەنە پترییا جورین یارییا، نموونە یاریزانێ دهۆكێ یێ باسكتبۆلێ فەرید رەعدی دگەل یانەیا نەفتا بەغدا، هارۆن عەبدوللا یاریزانێ زاخۆ بۆ یانەیا شورتە یا بەغدایی و وەهبی سلێمان یێ دهۆكێ بۆ سیناعە یا بەغدایی، دبیت جەماوەر بیژیت یا من ڤێت ئەوە یانەیا من سەرگەڤیت كی یاریزان بیت ئەڤە سەردەمێ پیشكاریێ یە، دێ بێژێم بەلی راستە لێ نوكەدا ئەڤ یانەیێن پشكدار ل خولا ستێرین ئیراقێ چەند تیم یێن دروستكرین ژیێ لاوان، تازەپێكەهشتیان، تیما(ردیف) و ئەكادیمی هەنە، ئەف كوما یاریزانا یێ ل هیڤیا وی روژێ ناڤێ باژیرێ خۆ بلندبكەن، هەبوونا ڤان یاریزانێن كورد دی دلسۆزتربن بۆ ناڤی باژیرێ خۆ، سەبارەت ڕاهێنەران هەبوونا ڕاهینەری كوردستانی دگەل یاریزانێ كورد دێ لێكتێگەهشتەكا باشتر هەبیت، لی فەرە ڕاهینەرێ باشتر خۆ ئاڤابكەت ژلایی كەسایەتی ڤە، هەروسا لایەنێ زانستێن فوتبۆلێ دڤێت ئەم هزر ل پاشەروژێ بكەین ئێدی گریبەستێن یاریزانان بەر ب بهایێن گران دچن هەمی دەما حوكمەتێ شیان نابن، هەر یانەیەكێ 5-6ملیارا مەزیخیت بۆ وەرزەكی پترییا وی پارەی دچیتە ژ دەرڤە مە دڤیت ئەو مەزاختی پتر یاریزانێ كورد مفاداربیت.
