دیدارا تە
رێژین حكمەت
ھەر دەمێ دەستێن من درێژ بوون
گەھشتن ستێران!
ئەز شیام ژ ئەسمانا دوور بکەم
ئێک ئێکە ب ھەژمێرم
وەکو زارۆکەکێ ساڤا یاریا پێ بکەم
ھەر دەمێ من نەھێلا دلۆپێن بارانێ بکەڤن
ئەردی!
ئەز شیام سینگێ خۆ بۆ بکم شەمسی
بەری ئەو دلۆپ ئەردی تەڕ بکەت
من ماچی بکەن!
و من ھەمبێز بکە!
ھەردەمێ من ڕەنگێ بەفرێ ڕەشکر!
وەکی دلێ تە..
وەکی کەربا ناڤ چاڤێن تە
بەری ئەو بەفر جیھانێ ماچی کەت
وی دەمی دێ دیدارا تە و
هزرکرنا ل گەل تە ل خۆ حەرام کەم
دێ ئەشقا تە وەکی وێ شەرابێ بیت
یێ خودێ ل من حەرام کری!
