گەیلان سادق پترین کلین شێت د خولا کوردستانێ دا هەنە
سولین سلێمان
دیدارەکێ دا گەیلان سادق گولپارێزێ تیما فوتبۆلا یانەیا هەندرێن و ئاکنجیێ دەڤەرا سۆران بۆ رۆژناما ئەڤرۆ دبێژیت وەکۆ باشترین گولپارێز ژ لایێ فدراسیۆنا فوتبۆلا کوردستانێ هاتیمە خەلاتکرن ژبەر پترترین کلین شێتا.
ناڤهاتی زێدەتر گۆت: ژبەر پشتەڤانییا خێزانا خوە چوومە دناڤا ڤێ وەرزشێ دا ئەڤە چەندین سالە بەردەوامم تا نۆکە ژی، بەری بهێمە یانەیا هەندرێن ل یانەیا سۆران بووم وێرێ ژی هەر گولپارێز بووم.
گەیلان بەحسا وێ چەندێ دکەت کۆ کێمترین گول لێ هاتینە کرن گۆت: ژ بیست و دو یاریا یازدە کلین شیت بوینە ، تا نۆکەژی ١٠ گول سەر هاتینە تۆمارکرن کۆ ئەڤەژی هژمارەیەکا زۆر کێمە ل چاڤ یاریێن بوریدا.
دووماهیێ گۆت»هیڤیدارم پتر پشتەڤانییا گەنجان بهێتە کرن و تایبەتی وەرزش و یانەیێن ناڤخۆیی چنکو هەموو یاریزانێن مە ئاستەکێ بلند یێ هەی و گەلەک زیرەکن سۆپاسیا راهێنەرێ خوژی دکەم کۆ هەردەم یێ هاریکارە گەل مە و پشتەڤانێ مەیە، ئەم ژی هەردەم دێ بزاڤێ کەین کۆ بلنترین ئاستی پێشکەش بکەین.
