روو ب رووبوونا چەكداری ل سلێمانیێ یا ئازاربەخش بوو
ئەندامەكێ دەستەیا كارگێرییا مەكتەبا سیاسی یا پارتی دیموكراتی كوردستان ئاماژە ب وێ چەندێ كر، رووب رووبوونا چەكداری ل سلێمانیێ یا ئازاربەخش و خووناوی بوو، دیاركر ژی :رێگریكرن ل ئالۆزییان دڤێت ئەركێ سەرەكیێ هێزێن ئەمنی بیت.
هشیار زێباری، ئەندامێ دەستەیا كارگێرییا مەكتەبا سیاسی یا پارتی دیموكراتی كوردستان ل تۆرا جڤاكییا (ئێكس) بەلاڤكر» شەڕ و پێكدادانێن چەكداری ل سلێمانیێ، ب تایبەتی ئازاربەخش و خووناوی بوون، بەلێ دڤێت قانوون ل سەر هەموویان بیت».
هشیار زێباری گوت ژی» ئەو پێكدانانا چەكداریا خووناوی، ب تایبەتی كو خەلك بوونە قوربانی و ب گۆڕەی پێرابوونێن زەلال یێن دادگەهێ، قانوون ل سەر سیاسەتمەدارەكێ هاتە بجهئینان».
زێباری دیاركر ژی» پاراستنا بهایێن مرۆڤی یێن خەلكێ هەرێما كوردستانێ، دیموكراسییەت و رێگریكرن ل تێكدانێ، ئەركێ هێزێن ئەمنییە ل سلێمانیێ و دڤێت قانوون ل سەر هەموویان بیت».
