ئاستێ رەوشەنبیریا خەلكی بۆ كڕینا گولان زێدەتر لێ هاتیە
هیڤی كەریم:
دلبخوین جبرائیل محەمەد، كچەكا گولفرۆشا خەلكا دهۆكێ یە، د هەمان دەمدا قوتابیا قوناغا ئامادەیی یە، د دیدارەكێ دا بۆ رۆژنامەیا ئەڤرۆ گۆت: ئەز گەلەك حەزژ كارێ خوە دكەم، ژبەركو یێ ب ساناهی و خۆشە، هەروەسا گەلەك مەزاختی ژی پێ نەڤێت، لەورا گەلەك كچان دەست بڤی كاری كرییە.
هەروەسا گۆت: خواندن و كاركرن پێكڤە یا ب ساناهی نینە، بەلێ كاودانێن نوكە وەكریە كو مرۆڤ هزرێ د كارەكێ دا بكەت، دا داهاتەك پێڤە بهێت و نەبیتە بار ل سەر ملێن خێزانێ، بەرۆڤاژی هەكە مرۆڤی كارەك كر دێ شێت هاریكاریا مالا خوە ژی كەت، هەروەسا ب سەرفەرازی ژی دێ شێت خواندنا خوە بەتە سەری و ئەز دبینم نوكە چاڤ ل دو سالێن بۆری فرۆتنا گولان پتر لێ هاتیە و نوكە هەتا ل رۆژێن ئاسای ژی خەلكەك دهێن قەفتێن گولان بۆ خۆشتڤیێن خوە دكڕن و بۆ وان دكەنە دیاری، هەروەسا برنا گولان بۆ سەرەدانان ژی هەتا رادەیەكی باشە و ئاستێ رەوشەنبیریا خەلكی بۆ كڕینا گولان زێدەتر لێ هاتیە و هیڤیا من ئەوە ل پاشەرۆژێ گول ببیتە سومبۆل د جڤاكێ مەدا، هەروەسا داخوازا من ژ هەموو كەسان و دامودەزگەهان ئەوە پتر گرنگیێ ب گولا بدەن، چنكو گول نیشانا ئاشتی و ڤیانێ نە.
