یاریگەهەكا ڤۆلی بۆلێ یا سەردەمانە دێ هێتە دروستكرن
رەمەزان زەكەریا
ل ناوچەداریا كەلەكچی سنوورێ دەڤەرداریا شێخان سالانە قارەمانییا ڤۆلی بۆلێ دهێتە ڤەكرن و ژبەر هژمارا زۆرا جەماوەری وەرزشی دناڤ یاریگەهێ دا دەنگڤەدانێ دروست دكەت ل سەر ئاستێ ناڤخۆیی و دەڤەرێ.
ل دۆر ڤێ یەكێ هەڤال محەمەد شەریف رێڤەبەرێ ناوچەداریا كەلەكچی بۆ رۆژناما ئەڤرۆ گۆت: ناوچەداریا كەلەكچی تایبەتمەندیا خوە هەیە ل وارێ وەرزشی ل سەر ئاستێ كوردستانێ ناڤدارە هەموو ئاكنجیێن وێ یان وەرزشڤانن یان وەرزش دۆست و ڤەكرنا خولان ل كەلەكچی ناڤدارن ب بینەریا جەماوەرەكێ زۆر.
ناڤبری گۆتژی: ژبەر وەرزش دۆستی و وەرزشڤانێن ناوچەداریێ كو هژمارا ئاكنجیا هەتا پێنج هزارایە حكومەتا هەرێما كوردستانێ ب سەرۆكاتیا مەسرور بارزانی گرنگیەكا باش ب دەڤەرێ دایە ژلایێ دروستكرنا یاریگەهان پێشتر یاریگەهەكا ڤ‌ولیبۆلێ و یازدە یاریزانی دروستكریە، دووڤدا یاریگەها كو نوكە یاری تێدا دهێتە كرن ژلایێ پارێزگارێ دهۆك ڤە هاتە دروستكرن بەلێ هژمارا جەماوەری زۆرە لەورا دێ یاریگەهـ هێتە مەزنكرن.
ناڤهاتی خویاكر: ل سەر بڕیار و فەرمانا ئارین مەسرور بارزانی، دێ یاریگەهەكا ڤۆلی بۆلێ مۆدرێن ب جوانترین شێوە بۆ كەلەكچی هێتە دروستكرن وەكۆ یاریگەهەكا نێڤدەولەتی.
