په‌رله‌مانتاره‌كێ دهۆكێ يێ به‌رێ گيانێ خوه ژ ده‌ست دا
ئه‌ڤرۆ نيوز:
شه‌ڤا بۆرى به‌رپرسێ چاڤدێريا ناڤه‌ندى يا حزبا شيوعى يا كوردستانێ و په‌رله‌مانتارێ خولا دويێ يا په‌رله‌مانێ كوردستانێ ب نه‌خۆشيه‌كێ گيانێ خوه ژ ده‌ست دا.
ژێده‌ره‌كى ژ حزبا شيوعى يا كوردستانى راگه‌هاند: شه‌ڤا بۆرى محه‌مه‌د ئه‌حمه‌د ئامێدى ناسيار ب ديلمان ئامێدى ب نه‌خۆشيه‌كێ گيانێ خوه ژ ده‌ست دا.
ديلمان ئامێدى ناڤێ وى محه‌مه‌د ئه‌حمه‌د ئامێدى يه و ئه‌ندامێ مه‌كته‌با سياسى يا حزبا شيوعى يا كوردستانى بوويه و هه‌تا سالا 2012 ئه‌ندامێ په‌رله‌مانێ كوردستانێ بوويه و ل خولا دويێ به‌رپرسێ چاڤدێريا ناڤه‌ندى يا حزبا شيوعى يا كوردستانى بوويه.
پرسا سه‌ره‌خۆشيا ئامێدى ئه‌ڤرۆ دێ ل هه‌ر ئێك ژ قه‌زا ئامێديێ و پارێزگه‌ها دهۆكێ هێته دانان و سوبه‌هى ژى ل هه‌ولێر كو مه‌كته‌با سياسى يا حزبێ دێ ل مزگه‌فتا ره‌شاد مفتى دانيت.
