فێستیڤالا خانی و خەونا خانی
سندس سالح سلێڤانەیی
بەرییا پتری 300 سالان زانا و هەلبەستڤان و نڤیسەر و فەیلەسۆفێ كورد ئەحمەدێ خانی خەونا خۆ كرە كریار؛ دەمێ خۆ ل ئەدەب و رەوشەنبیریا كوردی كریە خودان و چەندین بنگەهێن كوردەواری بۆ چاندن كو ئەڤرۆ ئەم ل سەر وان بنەمایان ئاڤاهیێن خۆ یێن رەوشەنبیری و چاندی ئاڤا بكەین، كو هەتا ئەڤرۆ وەكو ئاڤەكا زەلالە ئەم ب بستەیی و بێ منەتی ژێ ڤەدخۆین، مینا تۆماركرنا داستانا مەموزین كو پەیامێن دیرۆكی د ناڤدا هاتینە ئاراستە كرن، ب وی شێوازێ خۆ یێ خۆمالی تێدا نیشامە دایە كو مە پاشمایەكێ مەزنێ تایبەمەندیێ هەیە، هەر ژ هینگی وەرە و ئەڤ تایبەتمەندییە نەهاتینە بوهوژاندن، ژ ئەڤینیا وەلاتی و جوانییا سروشتێ كوردستانێ وەكو سامانەكی خۆیا دكەت، ب دورستی ژی ئەڤرۆ ئەم یێن دبینین، چاوا چاڤێ خەلكێ بیانی و گەشتیاران كەفتیە سەر ڤی سروشتی و بۆ خۆكرین توریزم، داهاتەك ژێ دهێت. یا ژ ڤێ گرنگتر پەیامێن حەژێكرنا ئەردێ خۆ ل سەر بنەیایێ ئیكبوونێ و ئێكرێزیێ و حەژێكرنا هەڤدو و دادوەریا جڤاكی، د ناڤ كار بەرهەمێن وی دا، هەژی هندێنە كو ئەڤرۆ ئەم هەمی ل ژێر سیبەرا وی كۆم ببین و داخۆیانیێن رەوشەنبیری رابگەهینین، هەر دیسا خۆ ل زمانێ كوردی یێ شرین ژی كربوو خۆدان مینا فەرهنگا (نووبەرهارا بچویكان) وی َسەرەرای هندێ كو گەلەك زمانێن دیتر یێن بیانی باش دزانین، لێ ئەوی فۆكسا خۆ دانا بوو سەر زمانێ خۆ یێ شرین، پێ نەڤین هەر هینگی دەست و چاڤێ نەحەز و داگیركەران ل سەر كوردستانێ و جڤاكێ وێ بوون كو بنپێ و سەركوت بكەن، ئەوی ژی ئەڤ چەندە دزانی لەورا دخواست تۆڤەكێ رەشەن بهاڤێتە ئەردێ چاندا كوردی و ئەڤ رۆژە هات كو بۆ مە ببیتە ژێدەرەكێ بێ منەت حەتا وی رادەی فیستەڤالێن سەرانسەری ل ژێر ناڤێ وی بدامەزرنین و بكەینە وەرزی هەر سال جارەكێ مینا ئەڤێ فێستیڤالا نها ئەم تێدا دەنگ و پەیامێن خۆ بگەهینین و راگەهاندنا سەردەم تێدا ببیتە مژار، خانی د ناڤ كار و پرۆژەیێن خۆ دا دخواست پەیامێن ب هێز بگەهینتە جڤاكێن دیتر ئەو ژی ب رێیا ئایینی كو ئێك ژ بەرهەمێن هەرە مەزن یێن وی بیروباوەرێن ئیسلامێ بوو، كا چاوا كوردەك ل ناڤ ئەردەكێ دوور ژ جڤاكێن بیانی بكارین هەر پێنچ روكنێن ئیسلامێ شرۆڤە بكەت زانین و باوەریا وی و یا جڤاكا كوردی ب باوەریا خۆدێ تەعالا چەندا قاهیمە ب ئایینی و فەلسەفێ و هزرێ، ئەڤرۆ ب دروستی مە ژی وژدان ئارام كر و خەونا ئەحمەدێ خانی ل ناڤا فێستیڤالا خانی دا دیت هەر چ نەبیت د ڤێ گۆتارێ دا بینین زمان.
