ئه‌و سه‌رێ سه‌ر پێڤه دحه‌وێن دكێمن؟
مشتومه‌رێ مه‌هێن بهێن دێ پۆستێ سه‌رۆكاتیا هه‌ریمێ بیت، جهێ داخێ یه هنده‌ك لایه‌ن بۆ خوه بده‌رفه‌ت دبینن ڤی بابه‌تێ بئازرینن و دوهۆكار ل پشت ئازراندنا ڤی بابه‌تی دا هه‌نه، ئیك كۆمكرنا جه‌ماوه‌ری ل دۆر خوه وه‌كو لایه‌نه‌كێ سیاسی، دو هوكارێ ده‌ره‌كی یه كو ژێده‌رێ بریارێنه بۆ ڤان لایه‌نان، ل گه‌ل ده‌ستپێكرینا هه‌وه‌كا هه‌ڤدژ دهۆلقوتین وی هندك ب دووڤه‌لانكێن ئیرانێنه و داروده‌سته‌كێن وی ل به غدا ب هه‌وه‌كا پرۆپاگندا رابووینه هه ر وه‌كو دلێ وان سۆت، بۆ جێبه‌جێكرنا دیمۆكراسیێ ل هه‌رێما كوردستانێ، ڤێجا مژارا هه‌لبژارتنا سه‌رۆكاتیا هه‌رێمێ كریه ژێده‌رێ به‌لبه و تێكڤه‌دانێ، كو نوكه ده‌م نه‌یێ گونجایه بۆ ئه‌نجامدانا چ هه‌لبژارتنان ژ ئه‌گه‌رێ شه‌ڕێ هه‌رێمێ ل گه‌ل داعشێ كو ب دروستێ دیار نینه كا دێ چ دووماهی هه‌بیت، زێده‌باری قه‌یرانا ئابووری و كومسیۆن ژی یا به‌رهه‌ڤ نینه و خه‌لكێ كوردستانێ ژی یێ ئاماده نینه بۆ ڤان هه‌لبژارتنان و ب تایبه‌ت ده‌ڤه‌رێن تازه رزگاركرین كو بچنه سه‌ر سندۆقێین ده‌نگدانێ، هه‌رێما كوردستانێ هه‌تا نوكه دستوور نینه تێدا نه‌خشه‌رێه‌كی دیار بكه‌ن ل دۆر چاوانیا ئه‌نجامدان هه‌لبژارتنان كو ل دووڤ قانوونا ژماره 1 یا سالا2005دڤێت هه‌لبژراتنێن سه‌رۆكی َ هه‌رێمێ و په‌رله‌مانێ كوردستانێ پێكڤه ئه‌نجامدان، دڤێت دستوور سازاش ل سه‌ر بهێته‌كرن و بێخنه راپرسینی و ژ لایێ خه‌لكێ كوردستانێ ڤه بهێته په‌سه‌ندكرن كو ئه‌ڤه كارێ ڤێ خولا په‌رله‌مانی بوو هه‌تا نوكه ئه‌نجام نه‌دایه، كارێزمایا سه‌رۆك بارزانی لیزانین و دیبلوماسیه‌ت، سه‌نگێ نیڤده‌وله‌تی، رۆلێ كاریگه‌رێ جه‌نابێ وی د شه‌ڕێ داعشدا و مانا وی ل به‌رۆكێن شه‌ڕی ب هه‌یڤان، سیاسه‌تا وی كوشیا ده‌وله‌تێن زلهێز دژی داعش بكه‌ته هه‌ڤپه‌یمان و به‌ره‌كێ نێڤده‌وله‌تی دژی تیرۆرێ دروستبكه‌ت، پشته‌ڤانیا كۆبانێ هه‌می هۆكارێن ب هێزێن بۆ مانا جه‌نابێ وی. راسته دیمۆكراسیه‌ته لێ ئیك ژ كێماسێین دیمۆكراسیه‌تێ مرۆڤی نه‌چار دكه‌ت گوه بده‌ته نه‌زانی هنده‌ك ره‌ئیێن نه‌ره‌وا بكه‌ت دیڤاگتۆ ل به‌رامبه‌ر مرۆڤێ. دڤێت ئه‌و لایه‌ن بزان كو بارزانی سه‌نگ دایه كورسیكێ، ئه‌گه‌ر مالا بارزان پۆست و مال و كورسی ڤیابانه حوكمه‌تا به‌عس دا بلندترین پۆسته و مه‌زنترین پاره پیشكێشی وان كه‌ت ل به‌رامبه‌ر ده‌ست ژ خه‌باتا نه‌ته‌واتی به‌رده‌ن، لێ مافی ملله‌تی كورد هه‌لبژارد و چ پووته نه‌دا كورسی و پۆسته‌یان، دیسا مه‌لا مسته‌فایێ بارزانی د ناڤبه‌را سنۆرێن سێ ده‌وله‌تێن دوژمنان نه دشه‌قاندن و رووبارێ ئاراز ده‌رباز دكر و ل گه‌ل پێنچ سه‌د زه‌لامان و ده‌ربازی رۆسیا یێ نه‌دبوو ئه‌گه‌ر حه‌زژیكه‌رێن كورسیان بان. ل ده‌وله‌تێن گوپیتكا دیمۆكراسیه‌تێ وه‌ك ئه‌مریكا بۆ به‌رژه‌وندیا ملله‌تێ ره‌فتاركریه، نموونه ژی رۆزفلت بوو جارا ئێكێ بوو سه‌روكێ ئه‌مریكا ل سالا 1932 هه تا كو دووماهی بژیانا خوه ئیانای 1945 چار جاران ل دووڤ ئیك هاته هه‌لبژارتن وه‌ك سه‌رۆك بۆ ئه‌مریكا، چونكو كاودانێن وان دخوازته هندێ، سه‌ره‌رای كو دستوورێ ئه‌مریكا تنێ رێ دو جار دده‌ت سه‌ره‌وكه‌ك خوه هه‌لبژێریت كو دبنه 8 سال، لێ رۆزفلت ئه‌ڤ بنكه‌یه شكاند و ب شیرێ دیمۆكراسیێ و چ دیكتاتوریه‌ت دروست نه‌بوو، ئه‌مریكا د شه‌ڕ ێ جیهانی َ یێ دووێ دا سه‌ر ئێخست و ژ قه‌یرانه‌كا ئابووری ژی قورتالكر، ژ به‌ركو ملله‌تێ ئه‌مریكی ب ژێرانه سه‌ره‌ده‌ری ل گه‌ل روودانان كر. دڤێت ئه‌وێن ڤێ داخوازی دكه‌ن ب پله ئێك ببنه جهێ باوه‌ریا خه‌لكێ كوردستانێ پاشی داخوازا خوه بكه‌ن دڤێت خوه وه‌كی ئاخفتنێن خوه لێ بكه‌ن یان ئاخفتنێن خوه وه‌ك خوه لێ بكه‌ن، بلا ده‌ه رۆژان قه‌ستا به‌رۆكێن شه‌ڕی بكه‌ن و گوله‌كێ ب دوژمنی ڤه بته‌قینن پاش باخڤن، قووناغا ژ شه‌ڕێ داعشێ مه‌زنتر و مه‌ترسیدارتر پشتی شه‌ڕی ده‌ستپێدكه‌ت پشتی رزگاركرنا مووسلێ، گرێدانا سنۆرێن كوردستانێ ب سنۆره‌كێ ڤه كو پرانیا خه‌لكێ وان داعش بوون یان لایه‌نگرێن وان بوون، دڤێت به‌رهه‌ڤی بۆ وێ قووناغێ بهێته‌كرن، دبێژن هه‌رده‌ولته‌ك ب زه‌لامێن خوه‌یه، كوردستان پێدڤی بخودان شیانان هه‌یه و سه‌رۆكێن به‌رۆكێن شه‌ڕی هه‌یه، بریارا وی ده‌ستێ دابیت نه‌ك به‌رنامی كاری بۆ بێت ژ ده‌رڤه‌ی هه‌رێمێ و ببنه پره‌ك بۆ دوژمنی د سه‌را ده‌ربازبن و حه‌شدا شه‌عبی بێنه كوردستانێ و ل شنگاری لایه‌نك 1200 مرۆڤان تۆمار بكه‌ن یێ دیتر 800 وه‌كو حه‌شدا شه‌عبی بۆ پاره‌ی و مزایدا ل سه‌ر شنگارێ، بكه‌ن ئالایه‌كی نوو بۆخوه دروست بكه‌ن، ئه‌ڤ دێ سه‌رۆكاتیا هه‌رێمێ برێڤه بن. هه‌ر چه‌نده جهێ گومانێ یه كو كه‌سه‌ك هه‌بیت وێ شاشیێ بكه‌ت بێژیت ئه‌ز دێ جهێ سه‌رۆك بارزانی گرم، لێ هه‌كه ده‌رفه‌ت بۆ گه‌لێ كوردستانێ بێته روخساندن دێ زانن چاوا ره‌فتارێ كه‌ن، چونكو باش باوه‌ری بۆ وان دروستبوویه كو كوردستان بێ جه‌نابێ سه‌رۆكی وه‌كو باغه‌كێ بێ به‌رهه‌مه و دڤێت پارتێن سیاسی ل كوردستانی ل گۆره‌ی به‌رژه‌وندیا كوردستانێ ل دووڤ كاودانان ره‌فتارێ بكه‌ن بریارا دروست بده‌ن، پشته‌ڤانیا بارزانی بكه‌ن دوور ژ حزباتیه‌كا به‌ر ته‌نگ داكو پاپۆرا كورداتیێ ب ئارامی بگه‌هیته كه‌نارێ ته‌ناهیێ و سه‌رفرازیێ.
