حەزدكەت پرۆژەیەكێ هونەری ل گەل مۆزیكژەنێن دهۆكێ هەبیت
شاكر ئەتروشی:
مۆزیكژەن (نێرگز عەزیز) كو ئەڤە چەند سالن ل وەلاتێ (سۆید) دژیت و كارێ وێ ماموستایا مۆزیكێ یە ل قوتابخانەیەكا وی باژێرێ لێ دژیت، د دیدارەكێ بۆ رۆژنامەیا ئەڤرۆ گۆت: دژیەكێ بچووكدا من حەزژ مۆزیكێ دكر و ئەز ژەنیارا سازێ مە، لێ من شارەزای د ژەنینا گەلەك ئامیرەیێن دی ژی هەیە، ژوانا (عۆد و دەف و ئۆركۆدیۆن) لێ (ساز) ئامیرەیێ سەرەكی یە و من دشێم بێژم مۆزیك بوویە پشكەكا گرنگ د ژیانا مندا و ل گەل خوینا من تێكەل بوویە.
هەروەسا گۆت: ژبلی ژەنینا سازێ ئەز هندەك جاران ئاوازان ژی د دانم و دەمێ هزرا رەسەنایەتیا مۆزیكێ دكەم، ئێكسەر هونەرمەندێ مۆزیكژەن (دلشاد محەمەد سەعید) كو خەلكێ پارێزگەها دهۆكێ یە دهێتە بیرامن، بۆ زانین دو جاران ئەز هاتیمە دهۆكێ و حەزدكەم رۆژەك بهێت من پرۆژەیەكێ هونەری ل گەل مۆزیكژەنێن دهۆكێ هەبیت، بۆ زانین نوكە من پرۆژەیەكێ مۆزیكی ل گەل هژمارەكا مۆزیكژەنێن سۆیدی هەیە، ژوانا دێ هندەك بۆ فلمان بن و ئارمانجا من دانەنیاسینا مۆزیك و كلتۆرێ كوردی یە ل دەرڤەی وەلاتی.
