چو جوداهی د ناڤبەرا شیانێن ژن و زەلامان دا نینن
عایشا عەجیب:
هوزان كامیران، بێژەر و پێشكێشكار ل رادیۆیا شێخان، د دیدارەكێ دا بۆ رۆژنامەیا ئەڤرۆ گۆت: من چ جاران هزر نە دكر رۆژەك بهێت د بۆارێ راگەهاندنێ دا كاربكەم، لێ وەسا چێبوو دەلیڤەیەك هات و مە دەستپێكر و نوكە هەموو سپێدەهیان بەرنامەیێ(سپێدەهیا شێخان) پێشكێش دكەم، ئانكو رۆژانە دەنگێ من دچیتە هەموو مالان و ئەز هەست پێ دكەم ئەز یا بوویمە پشكەك ژ ژیانا وان یا رۆژانە، لەورا ب كارێ خوە یا دلخۆش و ئارامم.
هەروەسا گۆت: ژبلی پێشكێشكاریێ ئەز كارێ پەیامنێریێ و بێژەرا دەنگوباسان ژی دكەم و هەردەم ئەز دبێژم دناڤ جڤاكێ مە دا كچ و ژن رۆلەكێ گرنگ د هەموو بۆارێن ژیانێ دا دگێڕن و ژنان سەلماندیە كو چو جوداهی دناڤبەرا شیانێن ژن و زەلامان دا نینن و هەموو ب یەكسانی كاردكەن.
