ماستفرۆش و دو سترانێن دی دێ بنە ترێند
شاكر ئەتروشی:
هونەرمەند (دلشاد نێروەیی) د دیدارەكێ دا بۆ رۆژنامەیا ئەڤرۆ گۆت: ئەڤە دەمەكە ئەز مژوولی تۆماركرنا سێ سترانێن نوومە و پشتی دهێنە بەلاڤكرن دێ بنە ترێند.
دلشادی گۆت: سترانا ئێكێ ب ناڤێ (ماستفرۆش) كو ئەز گەلەك حەزژێدكەم و یا تام فولكلۆرە، ژ پەیڤێن هەلبەستڤانێ خودێ ژێ رازی (عەلی ئەحمەد وەیسی) یە و ئاوازا منە، سترانا دویێ ل دۆر نیشانیێ یە و یا سێیێ ل دۆر سەرهاتیا مرۆڤەكێ دانعەمرە كو پشتی چەندین سالان ژنشكەكێ ڤە خۆشتڤیا خوە یا بەرێ دبینیت و ئەڤ هەردو سترانێن دووماهیێ ژ پەیڤ و ئاوازێن منن و هەر سێ ستران بۆ تۆماركرنێ دحازرن و ئەز یێ پشت راستم پشتی دهێنە بەلاڤكرن هەر سێ ستران دێ بنە ترێند و خەلكەكێ زۆڕ دێ حەزژێكەت، ژبلی وان هەرسێ سترانان هژمارەكا دی ژی یا سترانان بۆ تۆماركرنێ دحازرن، كو ئێك ژوان ل دۆر رەوشا هەرێما كوردستانێ یە ل گەل ئیراقێ، ئەڤ سترانە ژ پەیڤێن هەلبەستڤانێ هێژا (موئەیەد تەیب) ن، من ل بەرە وان سترانان ئێك ئێكە تۆماربكەم، چنكو تۆماركرنا هەموویان پێكڤە ژلایێ دارایی ڤە بۆ من بارەكێ گرانە و هەتا نوكە چو كەس و لایەنان بەرهەڤیا خوە دیارنەكرینە كو (سپۆنسەریا) ئەلبۆما من بكەن.
