سیابەند عەبدولستار: مۆزیکژەن خودان دلەکێ پاقژن
بێوار حەمدی
مۆزیکژەنێ گەنج (سیابەند عەبدولستار) دەرچوویێ کۆلیژا هونەرێن جوانە بەشێ مۆزیکێ ددیدارەکێ دا بۆ رۆژناما ئەڤرۆ گۆت: دەمێ 10 سالانە ئەز مۆزیکێ دژەنم و بتایبەت ژەنیارێ عودێ مە.
ناڤهاتی گۆت: ل دەفمن ئامیرێ کەمانێ ئێک ژوان ئامیرێن گەلەک بزەحمەتە لێ ئەز وێ ژی دژەنم و گەلەک حەز ژێ دکەم مۆزیک ل دەفمن ئانکو مرۆڤایەتی، چونکۆ پتریا کەسێن مۆزیکژەن خودان دلەکێ پاقژن دناڤ جڤاکی دا.
د بەردەوامیا ئاخفتنا خوە دا سیابەندی گۆت: گەلەک جاران مۆزیک مرۆڤی ژ گەلەک نەخۆشیێن دەرونی دپارێزیت، چونکۆ گەلەک کود هەنە و ئارامیێ ب مرۆڤی دبەخشیت ب تایبەتی ژی (پیانۆ) مێشکێ مرۆڤی پاقژدکەت ب ڕێژەیەکا کێم ژ مۆزیکژەنێن کورد دشێن بڕێیا کارێ خوە داهاتەکی پەیدابکەن لێ ئەوژی داهاتەکێ کێمە، بەلێ ئەو نەشێن دەستا ژحەزێن خوە بۆ مۆزیکێ بەردەن.
ل دووماهیێ ژی ناڤهاتی گۆت: من خولێن فێرکرنا مۆزیکێ ژی ڤەکرینە بۆ ئامیرێن (عود و سولفێجێ) داکو گەنج ژی فێرببن و بشێن بەردەوام گوهۆڕینا بکەن، نوکە ژی ئەز یێ کار لسەر هندەک بابەتێن کوردیا کلاسیک دکەم داکو بکەمە بەرهەمەک و بشێم خزمەتا وەڵاتێ خوە بکەم.
