شانەدێرا مار ئوراھا ھاتە گێران
ئەڤرۆ نیوز،زنار تۆڤی:
د کەش و ھەوایەکێ سار و بارانی دا ئەڤرۆ روژا دوشەمبی ١٣ى نيسانا ٢٠١٥ێ شانەدێرا مار ئوراھا ب بەرھەڤبوونا ژمارەیەکا مەزن ژ مەسیحیێن دەڤەرا کانی ماسێ و پارێزگەھا دھۆکێ ل گوندێ جدیدیکێ ل دەڤەرا بەوراری بالا ھاتە گێران.
جون فرنسو عودیشو ئێکە ژ خوجھێن گوندێ میسکا بۆ ئەڤرۆ نیوز راگەھاند:شانەدێرا مار ئوراھا ھەر سال ل دوو شەمبیا دووێ ژ ھەیڤا نیسانێ ل گوندێ میسکا ل دەڤەرا بەرواری بالا دھێتە گێران.
دا زانين ژى كو دڤێ شانەدێرێ دا مەسیحیێن دەڤەرا بەرواری بالا و یێن دەڤەرا دھوکێ بەرھەڤ دبن و ل دەستپێکا شانەدێرێ رێورەسمێن ئایینی ب نڤێژ و دوعایان دھێنە گێران و لدویڤ دا خوارن لسەر ھەمی بەرھەڤبویان دھێتە بەلاڤکرن.
ناڤھاتی گوت ژی: “ئەڤ شانەدێرە بەری ٥٠٠ سالان ل ڤی گوندی ھاتیە گێران و ھەتا نوکە ژی ھەر سال ب بەردەوامی ئەڤ جەژنە دھێتە گێران، لێ ئەڤ سالە ژبەر بارودوخێ ھەرێمێ و ئاوارەبونا مەسیحیان وەکی سالا بوری خەلک بەرھەڤی ڤێ شانەدێرێ نە ببوو.