ئاستەنگێن جڤاكی نەبوونە رێگر هەمبەر ئارمانجێن وێ
دلڤین رەشید:
خودانكار(شەیما عەرەفات) د دیدارەكێ دا بۆ رۆژناما ئەڤرۆ گۆت: ئەز خەلكا پارێزگەها دهۆكێ مە، ژیێ من (26) بیست و شەش سالن و ئەز قوتابیا زانكۆیا جیهان/پشكا پەروەردا ئێنگلیزی مە، من كارێ خوە هەیە ب ناڤێ جوانكاریا (خاتینا جان) ل دهۆكێ.
هەروەسا گۆت: گرنگە ژنا كورد خودانا كارێ خۆ یێ تایبەت بیت، راستە دقوناغا نوكە دا ژنێ شیایە هەتا رادەیەكێ باش رۆلێ خۆ د كەرتێ تایبەت دا ببینیت، چنكو ژنان شیانێن گەلەك باش هەنە دپێشكەفتن و سەركەفتنا كارێن بازرگانی دا، ژ بۆ پێشڤەبرنا وەلاتێ خۆ و سەرەرایی هندێ كو هەتا نوكە ژی دناڤ جڤاكێ مە دا ژن روو ب روو ئاستەنگان دبیت د هەر هەر كارەكی دا، ئەز ژی ژڤێ چەندێ بێ بەهەر نەبوویمە، بەلێ ئەو ئاستەنگ نەبوونە رێگر هەمبەری خەون و ئارمانجێن من، چنكو دوێ باوەریێ دامە ژن خۆدان هێز و ئیرادەیە، دشێت رۆلەكی باش ببینیت د هەر بۆارەكێ ژیانێ دا و مە چەندین نموونە یێن ژنێن كورد یێن سەركەفتی هەنە.
