پێدڤیە مـادۆرۆ دەسـت ژ دەستهـەلاتێ بەردەت
سەرۆکێ ئەمریکا دۆنالد ترامپ د داخویانیەکێ دا دیار کر، دڤێت سەرۆکێ ڤینزۆیلا دەست ژ دەستهەلاتێ بەردەت و نەبیتە ئەگەرێ شەڕەکێ ل وی وەلاتی، چونکی ئەمریکا ژ رەوشا نها یا ل ڤینزۆیلا رازی نینە و نابیت ئێدی مادورۆ ل سەر دەستهەلاتێ بمینیت و پێدڤیە بێی شەڕ ژ وی وەلاتی دەرکەڤیت و ئەو یەک د بەرژەوەندیا هەر دو وەلاتان دایە.
ئەو یەک د دەمەکێ دایە کو بەری نها ژی وەزیرێ دەرڤە یێ ئەمریکا دیار کربوو، وان بەرهەڤیێن تەمام ل دژی ڤینزۆیلا کرینە و دڤێت سەرۆکێ وی وەلاتی نیکولاس مادورۆ هزرا خەلکێ خوە بکەت و نەبیتە ئەگەرێ ئالۆزیێن زێدەتر و باشترە مادورۆ دەستهەلاتێ رادەست بکەت و بچیتە وەلاتەکێ دی، ئەو یەک ژ بۆ وی و وەلاتێ وی باشترە و ئەمریکا بەرهەڤە ئاسانکاریان ژی بۆ مادورۆ بکەت دا بچیتە وەلاتەکێ دی.
