دیمەنێن ژەهركرنا خەلكێ مە ل كەمپا مێردینێ چـو جاران ژ بـەر چاڤێن من ناچن
سالار محەمەد دۆسكی:
8-9
دەنگ و باسەكێ بلەز هەیە و من سێ جارا دەستێ خوە ل دكمێ دا خەلكێ مە هەمی گوهداربوون كا دێ چ هێتە گۆتن ڤێ مەغرەبێ و من گۆتێ ئاگەهداری ئاگەهداری ئەو نانێ ئەڤرۆ هاتیە دابەشكرن و ئەو خێزانا ئەف نانە خواربیت و ئەگەر ئەو كەسێن ئەڤ نانە خوارین نەخوشی بۆ پەیدا بیت سەرەدانا نەخوشخانێ بكەت و ئەگەر نەخواربیت كەسەكێ وی نانی نەخون و ئەو نان هاتیە ژەهركرن و خودێ ل سەر شاهدە چەوا سەرهلدانەك دروست بیت هوسا خەلك هاتە نەخوشخانێ و جهێ كومیتێ و هەمی ئەندامێن كومیتێ هاتن و گۆت خێرە من گۆتێ بابەت بڤی رەنگی یە و هەمان دەم پولیسێن میتێ و كەمپێ هاتن و گۆتە من تە چ گۆت ئەڤ خەلكە هاتە ڤێرە و خەلكی ل سەر دەستان هەلگرتم و ژ دەرێ كومیتێ قورتالكرم و من گۆتێ ئەڤ بابەت من گۆتیە و من گۆتیە ئەڤ نانێ ئەڤرۆ خەلكی وەرگرتی كەسەك بلا نەخوت و ئەوا گۆت بوو من گۆتی یێ ژەهر كریە و ئەوا گۆت كی بێژیت من گۆتێ نەخوش بێژن وێ ئەڤێ بتنێ هەتا بوویە 11 شەڤێ 1300 كەس هاتنە نەخوشخانێ و ژنەك ل وێ ئەڤێ چوو بەردلوڤانیا خودێ و خوارنا ژەهركری مە كرە ئەگەرێ مرنا وێ ژنێ و گرەپانا نەخوشخانێ و كومیتێ خەلك وەكی تەرش و كەوالی كەفتن و دەنگ بەلاڤ بووو كارگێری یا والی هات و گۆتن خێرە مە گۆتیچ بابەت بڤی رەنگی یە و هەر زووی ئەم كومیتە برینە كومبوونێ و گۆتن بابەتی شرۆڤە بكەن و مە گۆتێ نانێ ژەهركری ل سەر خەلكێ مە ئەڤرۆ هاتیە بەلاڤكرن و ئەوا گۆتن كی بیژیت؟ مە گۆتێ نان هوسانە گۆتن نانی بین و بەرێ خودایێ و هەر سەمونا ڤەدكر یا هوسا بوویە و ئێكسەر ئەوا بریار دا گۆتن نوكە خودانێ فرنێ بینە ڤێرە و گۆتێ ئەڤە چیە و هندی ئینكار كر و هاریكارێ والی سەمونەك ئینا و ب زووری كرە دەڤێ خودانێ فرنێ دا و گۆتێ ڤێت بخوی چونكە شەرمزاری یە بۆ وی ئەڤ كارە دكارگێریا وی دا هاتیەكرن و ئەوا گۆتن دلێ هەوە نەمینت و ئەم لێبورینێ دخازین و ئەم دێ ڤەكولینا خوە ب رژدی ل سەر بابەتی كەین و كا دێ ئەنجام گەهتە كیرێ و چەوا و ل دووماهیێ مە زانی دەستێ رژێما ئیراقێ ل گەل ئەڤێ روودانێ هەبوو ل دهۆك و زاخو و دەست ل گەل هەبوو و كاربرایەكێ ژ مێردینێ ترۆمبێلەكا مارسدس وەرگرت بوو وەك خەلات بەرامبەر ئەڤێ روودانێ وئەڤ كابرایە ژ دەرڤەی كەمپێ بوو و هەوالگێریا ئیراقێ ل زاخو و دهۆكێ پەیوەندی ل گەل كربوو و گەل خودانێ فرنێ كو ئەڤێ كارساتێ رووبدەت، دیسا بزاڤا ژەهركرنا ئاڤێ هاتەكرن و خوش بەختانە ئەوێ ژی سەرنەگرت و دیاربەكر ژی بزاڤ هاتەكرن ئەوێ ژی سەرنەگرت، پشتی ئەوێ روودانا ژەهركرنێ وەلاتێ توركیا چ پێرابوون بەرامبەر وی كەسی نەكرن و دراستی دا وەلاتێ توركیا گەلەك كەیف خوش بوو ب ئەڤێ روودانێ و یێ پێ نەخوش ڤێ روودانێ رەنگە ئەحمەد نەوروز بوو هاریكارێ والیێ مێردینێ چونكە ئە و سەرپەرشتێ وێ كەمپێ بوویە و رەنگە كارتێكرن ل سەر وی هاتباكرن بەلێ وەك سیاسەت گەلەك كەیف خوش بوون.
پێشمەرگێ شۆرشا گولانا پێشكەفتن خواز، جەمال بەندی بەحسێ رۆژانێن سەرهلدانا پیرۆزا سالا 1991 ل كوردستانێ كر و گۆت: دەمێ سەرهلان ل كوردستانێ دروست بووی ل كەمپێ جه نەبوو تێرا مە نەكەت و نە جادا تێرا مە نەكر، زوبێر عبدلرەحمان مایی ژ كادرێن راگەهاندێ یێن زیرەك بوو كو میتا مەیا سەرپەرشتی ل مێردینێ نوكە ل وەلاتێ ئەمریكا دژیت كاك زوبێر مایك گرتن و چەند هیتافات و هوزان گۆتن و گەلەك خشی بۆ دروست بوو و ل دووماهیێ سترانەكا شڤان پەروەری دانا سەر و پولیسان گۆت: كاك زێبر ئەڤە قەدەغەیە و ب هەلكەفتا رۆژا سەرهلدانێ مە ئاهەنگەكا مەزن گێرا ل شەڤا 12/3 وەكی باژێرێ كەركووكێ هاتیە ئازادكرن و جادا نێزیك كەمپێ هر هەمی ژ خەلكی هاتە گرتن و ژن و زەلام و بچیك كا چەوا ئەنفال ب سەرێ خەلكێ مە هات و هەر هەمی چوونە وەلاتێ توركیا ئاها هویا وێ رۆژێ خەلكێ مە خرڤەبوون ل وێ ئاهەنگێ و هەتا نوكە ئەو دیمەن ل پێش چاڤێت منن.
جەمال بەندی ئەو ژی گۆت: ل سالا 1992ێ سەركردایەتی یا سیاسی یا كوردی شاندەك هنارتە كەمپا مێردینێ دا داخازێ ژ وی خەلكی بكەن بزڤرنە كوردستانێ و ئەو شاند ب سەرۆكاتیا كەمال كەركووكی و ئەندامەتیا شێخ مەئموون بریفكانی بوو و هەر دو هاتن و ل گەل لژنێن مە رونشتن و گۆتن ئەم ب نوونەراتیا جەنابێ سەرۆك بارزانی ڤە هاتینە دەڤەرێ و داخازێ ژ هەوە دكەین ڤەگەرنە كوردستانێ چونكە كوردستان نوكە هاتیە ئازادكرن و خەلكێ كوردستانێ خەلكەكێ شۆرش گێر و وەلات پارێرزەە و ماڤ پەروەرە و دلسوزێن دوزا مللەتێ خوە بوون و هەر هەمی ئەو بووینە یێ، سەرا قەزیەكا نەتەوەیی دەربەدەربووین و ئەنفال ب سەری هاتی و 75% ژ خەلكێ كەمپا مێردینێ ل سالا 1992 ڤەگەریانە كوردستانێ و دەمێ ژ خالا ئیبراهیم خەلیل دەربازبووین ئەم گەلك ژ ئەوی خەلكی چووینە سوجدا شوكرێ بۆ خودێ و مە ئاخ ماچی كر و مرۆڤێن مە هاتبوونە پێشوازی یا مە و هەچكو ئەەم ژ مرنێ ڤەگەریاینە ڤە و ئەم ب ترۆمبێلێن توركا زڤرینە ڤە و دەمێ ژ ئیبراهیم خەلیل دەربازدبووی دا بێژن تو ئازادی ئەگەر تە جهەك هەیە ل دهۆكێ بچیێ یان دێ چیە سەر گوندێ خوە یان بووت ەچادرا ڤەدەین و خێزانا مە وی دەمی خواست بچیتە سەر گوندێ خوە و ئەم چووینە گوندێ بەندا و ناڤ پیش و پەلەخی دا مە چادر ڤەداو ئەرزاق ئەو بوویە یێ رێكخراوا دایە مە و ئەو نڤینكێن مە ل گەل خوە ئیناین و ئەم مایین بن ئەوا چادرا نێزیكی دو هەیڤان هەتا بوویە باران و دووڤ دا نەچار بووین مالا خوە ڤەگوهێزیننە مانگێشكێ و دووڤ دا هاتمە بارەگایێ لقا ئێك وی دەمی ل تاخێ كانی خشمانا بوو وی دەمی بارەگایێ ژ زاویتە هاتبوو ڤەگوهاستن بۆ تاخێ كانی خشمانا و ئەز و چەند ژ گوندی مە چووینە بەر دلوڤانیا خودێ ئێك ژ وانا مام (مویسا، خەلیل) چەند كەسەك بوون وی دەمی (قادر قاچاخی) ئەم دیتین و هەڤالان ئەم پێك داینە نیاسین وی دەمی پەیوەندیێ.
