ئەنفالێن ڕەش نەخۆشترین رۆژێن ژیانا من بوون
سالار محەمەد دۆسكی:
6-7
هەمان پێشمەرگەیێ شۆرشا گولانێ ئەو ژی گۆت: ل هەوا ئەنفالان ئەم 12 رۆژا محاصرە بووین وەك لژنێن شێخان و ئاكرێ ل چیایێ گارەی و دەڤەرا بارزان هێزەكا مەزن یا چەتان و لەشكری هاتبوونە دەڤەرێ و هندەك رۆژا ئێكێ دەرباز بوون و (رزا زێباری) ئەوە دەربازبوون، هندەكێن شێخان بەری مە چو بوون ئەو دەربازبوون بەلێ رەمی لێ هاتەكرن و ماوێ دەربازبوونێ دا هندەك ئاڤێ برن و هەر دئاڤێ دا گیانێ خوە ژ دەست دان و دەڤەر هاتە دورپێچكرن، یا شێخان، یا دهۆكێ و دەلیڤا پەیوەندیێ نەما و دەلیڤا هاتن و چوونێ نەما و ژن و زارۆك و پیرۆ و كال ژی هەر هەمی ل گەل ئێك بووینە و نێزیكی 30 هزار زارۆكان ل گەل مە دا بووینە، هەر بنەمالەكێ ل وێرێ چیروكەك هەیە، بەرگارێ، ئامێدیێ، دەڤەرا زێبارێ وەك پێشتر من ئاماژە پێكری ئاكرێ و شێخان و ئەڤە هەمی ل چیایێ گارەیی هاتنە دورپێچكرن و هەمان دەم دەڤەرا دهۆكێ ژی هاتنە دورپێچكرن و گەلەكا خوە رادەتسی حوكمەتێ كر و حوكمەت كەفتە دناڤ دا و حوكمەتێ برن كوشتن و (39) زەلامێن كانی مازی یا ئانكو بەرواری ژێری یا كوشتن و (16) زەلامێن گەڤەركی یا هاتنە كوشتن، (12) زەلامێن سپینداری یا كوشتن كومەكا زەلامێن سپینداری یا ل دەڤەرا زێباری یا كەفتنە دەستێن حوكمەتێ، گوندێ گیزێ دەڤەرا بەرێگارەی (99) زەلام ژێگرتن و هەتا نوكە دبێ سەرۆشینن و ئەڤ خێزانە هەمی كەفتنە دەستێن حوكمەتێ و خەلكێ شانش ئینای ئەو بوویە یێ پشتی 6/9/ حوكمەتێ بریارا لێبورینێ دەركر و ئەو كەسێن پشتی ڤێ مێژوویێ خوە رادەستكرین حوكمەتێ نە كوشتن قوناغا ئێكێ ئینانە كەلها ئاكرێ و دووڤدا ئینانە كەلها نزاركێ ل دهۆكێ و دناڤ ئەوا كەلها دا گەلەك نەخوشی و دەردەسەری دیتن و هەر چەندە ئەز نەهاتن بەلێ وەكی ئەو چیرۆك دهێنە گشتن گەلەك دنەخوش و دل ئێش بووینە كوشتن و ئەشكەنجەدانێ و كرێتكرنێ یا ژێ هاتی ب سەرێ خەلكی ئینا و هەتا گەهشتیە وی ئاستی گەلەك زەلام ب بلۆكا هاتنە كوشتن، ئەم كومەك ماین نێزیكی (56) كەسان بووینە و كەمەكا دی هەبوو (خالد بانی و ئەبو عەلو بانی) مان و ل ناڤ دەڤەرا ئاكرێ ژی كاك (هشیار زێباری) ئەو مابوون و كەما مە پێك هاتبوون ژ من (شێخ سەعید، شێخ عەلی، عەزیز وەیسی، داخاز ئەتریشی، غەفار كوڤلی، عەلی خنسی) بوو ئەم ئەو بووینە ئەوێن بەرچاڤ و ل گەل كومەكا پێشمەرگان و مە خوە رادەست نەكر و دیسا مە هەلبژارتن دا خەلكی یێ دڤێت خوە رادەستی حوكمەتێ بكەت سرۆشتی یە و یێ نەڤێت ژی بلا ل گەل مە بیت و ئەم ئەڤ كومە ماین و یا مە ئەم بووینە دو كوم (خالد بانی) ئەو جودا مان و ئەم (56) كەس ماین و چەند رۆژا ئەم ماینە ل دەڤەرێ و قەزا شێخان بەلێ ئەم و چەتە و هێزێن لەشكری دناڤ ئێك دا بووین بەلێ چ بوو ئەم وەك زەلام و ڤەشارتی مە دیت گوند شەلاند و ئەو تشتێ وا دڤیا دكر و ل ناڤ مالا دگەریان و خەلكی و كەسەكێ تشتێ خوە نەبر بوو بتنێ خەلكی روحا خوە قورتال كربوو و چەتە و لەشكر كەفتە ناڤ گوندان و هەر تشتێ ڤیا كر وەك پێشتر مە ئاماژە پێكری و قوناغا دووێ هاتن ئاگر بەردانە گوندان و سوتن و تێنی كرن و دووڤدا ب شەفەلا و دوزەرا راستی ئەردی كرن و هەتا كولكێن رەزا ژی سۆتن و ژناڤبرن هەتا كولكەك ژی ل هەمی دەڤەرێ نەهێلا و هەر هەمی خرابكرن و ژناڤبرن هوسا گوند تێكدان بتنێ شینوار هێلان و ئەگەر كەسەك چووبا گوندێ خوە نەزانی كیش مال ل كیڤە بوو و رۆژێن گەلەك نەخوش بوون و ئەم چەند رۆژا ماینە ل دەڤەرێ وەك پێشتر مە ئاماژە پێكری و مە پەیوەندی ل گەل سەركردایەتیێ نەما و ئەم چووینە دەڤەرا لژنا دهۆكێ و ل وێرێ چەند هەڤال گەهشتنە مە (محەمەد ساركی، تاها سیاسی، سلێمان) یێ دێرگژنیكی بوو و ئەو هاتن گەهشتنە مە و ئەم وێرا چووین دەربازی چیایێ مەتینی بووین و دەربازی سنورێن وەلاتێن توركیا بووین و چووین بۆ ئاروش و ئاشیتێ و مە ل وێرێ خوە رادەستی حوكمەتا توركیا كر و ئەم ل وێرێ را دەربازی ناڤ وەلاتێ ئیرانێ بووین وەلاتێ توركیا ئەم وەرنەگرتین و گۆتن دێ هەوە رادەستی حوكمەتا ئیراقێ كەین و مەژی گۆت ئەم خوە رادەست ناكەین و موختارێ ئاروش هات ناڤێ وی (نەجمەدین) بوو وی دەمی هەلبژارتنێن وانژی بوون و ئەم هەر (56) پێشمەرگە كوم ڤەكرین و ئەوی گۆت دێ هەوە رادەستی حوكمەتا ئیراقێ كەن و ئەفسەرەكێ تورك هەبوو گەلەكێ رەق بوو و ئەم هەمی كوم ڤەكرین و گۆت دێ هەوە رادەستی حوكمەتا ئیراقێ كەین گۆتن فرۆكە هاتینە دێ هەوە رادەست كەین و راستە فروكە هات بوو بەلێ ژ بەر سندوقێن دەنگدانێ هات بوو و هاتە گۆتن كو پێشتر ل دەمێ هەوا ئەنفالا هندەك خێزان رەڤی بوون ئەڤی ئەفسەرێ رەقێ تورك ژنەك قوتا بوو و موختار ل گەل وی ئەفسەری ئاخفت و گۆتێ ئەڤ سەرەدەری یا تو دكەی ئەڤە نە سیاسەتا وەلاتێ توركیا یەو نە سیاسەتا ئەتاتوركی یە و دەرگەهێ ئەتاتوركی یێ ڤەكریە و مختار مرۆڤەكێ ب ئاقل بوو زانی باخفیت و گۆتێ ئەڤە مێهڤانێن دەولەتا توركیا نە و توركیا دەولەتەكا مەزن و گۆت دێ تەلەفونا والی كەم و بێژمێ ئەڤە ل سەر بەختێ مە هاتینە دووڤدا ئەفسەرەكێ دیێ توركا هات ل گەل مە ئاخفت و ئەو ئەفسەرێ رەق ژ وێرێ بڕ و ئەفسەرێ نووی گۆت رێنما گەهشتینە مە ئەم كەسەكێ نوی ناوەرگرین و هەما چەكێ خوە ببەن و هەرن و ئەگەر هەوە دڤێت ژی ئەم دێ هەوە بەین و مە گۆتێ ئەم دێ چینە ئیرانێ و مە دەربازكەن وبڤی رەنگی دەربازكرین و هەر ئێك ژ مە كرنە دناڤبەرا دو جەندرما دا هەتا ئەم دەرباز بووین و بڤی رەنگی پاراستین چونكە قەناس هەبوون و ئەم گەلەك نێزیك بووین و دووڤدا قەلابەك هات و ئەم سوار بووین و ئەم دەربازبووین، وەك پێشتر مە ئاماژە پێكری كو بتنێ زەلام بووین و خێزان و زارۆكێن مە هێشتا ل چیایێ گارەی ژ مە دوركەفتن و كەفتنە دەستێن حوكمەتێ.
شێخ سەعید گەلی رومانی، ئەو ژی گۆت: پشتی سەرهلدانا پیرۆزا سالا 1991ێ وەك ئەندامێ لژنا ناوچا شێخان یا پارتی دیموكراتی كوردستان دەست بكاربووم و هەمان دەم بەرپرسێ مەكتەبا رێكخستنێ یا باعەدرێ بووم وی دەمی بارەگایێ لژنا شێخان ل ئەتریش بوو و من سەرپەرشتی یا هەمی رێكخراوێن حزبی ل دەڤەرێ دكر و جارەكا دی مە رێكخستنا خوە كرە ڤە.
