بریتانیا داخوازەکێ ژ ئێکەتیا ئۆرۆپا دکەت
کیەر ستارمەر سەرۆک وەزیرێن بریتانیا د داخویانیەکێ دا دیار کر، هەلوەستێ ئیدارەیا نها یا ئەمریکا ل هەمبەر وەلاتێن ئێکەتیا ئۆرۆپا یا خرابە و دڤێت وەلاتێن ئێکەتیا ئۆرۆپا بزاڤا ڤێ یەکێ بکەن، کو بێی ئەمریکا کار بۆ پاراستنا خوە بکەن و وەکو جاران ژ بۆ بابەتێن سەربازی و پاراستنێ پشت بەستنێ ب ئەمریکا نەکەن، چونکی ئیدارەیا نها یا ئەمریکا دڤێت ئێکەتیا ئۆرۆپا لاواز بکەت و گرنگە هەموو وەلاتێن ئێکەتیا ئۆرۆپا ژی هەست ب سیاسەتا خراب یا ترامپی بکەن.
ئەو یەک د دەمەکێ دایە کو بەری نها سکرتێرێ گشتی یێ ناتۆ دیار کربوو وەلاتێن ئێکەتیا ئۆرۆپا نەشێن بێی ئەمریکا خوە بپارێزن و پێدڤیا ئۆرۆپا ب ئەمریکا هەیە و دڤێت وەلاتێن ئێکەتیا ئۆرۆپا بزاڤێ ڤێ یەکێ بکەن ل گۆر راستیا نها یا جیهانێ سەرەدەریێ ل گەل ئەمریکا بکەن و رۆلێ ئەمریکا ژ بۆ پاراستنا ئۆرۆپا گەلەک یا گرنگە.
