كاركرنا گەنجان د ناڤا رێكخراوان دا چەسپاندنە بۆ دیاربوونا هێز و شیانێن وان
چرا رەشید
ئەڤە ماوەیێ چار سالانە وەكو خوەبەخش ناڤا تۆرێن رێكخراوەیی كاردكەم و دبینم گەنجێ مە گەلەك حەز یا ل سەر كاری هەی، د ناڤا وان خول و چالاكیان دا؛ هێز خوە دیاردكەن بۆ هەر كارەكێ هەبیت، شیان و بەهرەیێن خوە ناڤا وینێ كۆمێ نیشاددەت، ئەڤە ژی ئەوی گەنجی چ كچ یان كوربیت سەرنج دكەت؛ رێكان بۆ ڤەدكەت، دەستپێكا من ژی وەكو سترێسێ هەبوو؛ بەلێ گەر دەمی شیام خوە بگونجینم، ئەڤە ژی بۆ وان خولا ڤەدگەریت ئاڤاكرنا كەساتیێ و راهێنەراتیا راهێنەران تی ئۆ تی، ئەڤە دبیتە رێكەك كو گەنج ب خوە گەلەك جاران دەلیڤەیێن كاری پەیدا بكەت، نەخاسمە ئەڤی سەردەمێ ئەم تیدا چەندین ئاستەنگ بۆ دامەزراندنێ هەنە یان هەتا كارەكێ كەرتێ تایبەت، ئەگەر شیان دەف نەبن بزانیت چ پێشكێشكەت بۆ رازیكرنا یێ بەرانبەر دێ بۆ ئاستەنگ د ناڤا كاری دا پەیدابن، ئەز دبینم ئالۆزێن دەڤەرێ گەشا ئابووری كارتێكرنا خوە كریە ل سەر گەنجان، چونكو هەر جهەكێ قەست بكەیی؛ دێ بینی چەندین مەرج یێن داناین، وی دەمی خاڤیەك ل دەڤ وان كەسان پەیدا دبیت، ئەڤێن نەزانن دێ چاوا چاڤپێكەفتنێ خۆدان كاری رازی كەن، مە دهۆكێ كۆمەكا رێكخراوا هەیە بەردەوام خول و چالاكیان دكەن، بەلێ ئەڤە دەمەكە دبینم سارێژەك كەتیە ناڤا وان ژی دا، ئەگەر ژی بۆ ۆیێ چەندێ ڤە دگەین گەنجێ مە یێ بێكارە و دەلیڤەكێ دگەریت بۆ بدەستڤەئینانا داهاتەكێ، چونكو چەندین سالێن خواندنێ ل فێرگەهان و زانینگەهێ دڤێت ل دوویڤ فێربوونا وی كار و دامەزراندنا وی بگونجیت، گەلەك جاران پێَشانگەهین دەلیڤەیێن كاری ڤەدبن؛ بەلێ چ مفایێ مەزن نینە؛ ئێدێ ئەوان ژی هێزا خوە نەمایە، دڤێت جهێن پەیوەندیدار هاریكاری و پالپشتیا گەنجان بكەن، هەر جهەكێ دەلیڤا كاری بۆ پەیدا بیت مافێ وی بپارێزن، ئەگەر مافێ پاراستی نەبیت دێ هزرا دەرڤە هەبیت و خاڤی بوون پەیدا بیت و ترسا پاشەرۆژەكا رەش كەت، پالپشتیا گەنجان بكەن و بپارێزن ئەڤ گەنجە دینەمۆیا ئازاكرنا وەلاتینە؛ گەنجینەیا ئاڤاكرن و خەباتا پاشە رۆژیێنە، ئەڤ دەمێن نەخوەش یێن دەوروبەر دەڤەر تێدا دبۆریت؛ بەلێ گەنجێ مە هەرێ ب هیڤییە ژ ڤی وەلاتی، ئەم دزانین چ جهێن ئەڤێ جیهانێ نابنە خاك و وەلات، بەلێ ئەگەر رەشبین بوون دێ قەستا دەرڤەكەن، د كارێ رێكخراوەی دا هەموو خوە بەخشانەیە، بەلێ پێدڤیا وان هاریكاری و پاداشتكرنێ هەیە، كاركرن بۆ پێشڤەچوونا وەلاتیە؛ بەلێ نانێ ژیانێ بۆ گەنجی زەحمەتكەڤتیە، نەبوونا گەلەك دەلیڤێن كاری ژی ئەگەر بۆ ڤەكرنا جهەكێ مەزن دبیتە گرتنا چەندێن جهێن بچوویك و بێكاری ئەڤێ چەندێ زێدە دبیت، دڤیت هەموو رێكخوەشكر بهێنەكرن و دەلیڤەیێن كاری باشتر بیهێنە پێشكێشكرن.
