سیاسەتا كوردستانێ د ڤی شەڕی دا چاوا یا ژیرانە بوو؟
بێكەس كانیساركی
شەرەكێ مەزن و دو جەمسەرێن مەزن و هەردو جەمسەران هزر دكر كو كارتێكرنا كوردان دێ د ڤی شەڕی دا هەبیت و بەلێ ژنشكەكێ ڤە ب سۆپرایز كوردان بریارەكا ژیرانە دا گیانێ هزاران كوردستانیان ژ مرنێ پاراست. هەروەسا ژبۆ وێ رێبازا كو پارتی ل سەر هاتی دانان و شەهیدان خۆ بۆ كری قوربان وەفاداری بوو و ئاماژەیە بۆ هزركرنەكا كویر و بەرپرسیارانە بۆ دۆزا رەوا یا مللەتێ كورد و ئەڤ جۆرە پێنگاڤ و بریارە دبن پالدەر كو پتر جڤاكا كوردستانی ل هەرچار پارچەیان ب هیڤی بكەڤیت ل ڤێ رێبازا پیرۆز و بەلگە ژی رۆژ بۆ رۆژێ لایەنگرێن ڤێ پارتێ زێدە دبن.
ئەگەر ب وژدانانە بەراوردیێ د ناڤبەرا پارتی و حزبێن دی دا یێن ل سەر ئاستێ هەر چاپارچەیان بكەین، دێ بینین دەستكەفت و زێدەبوونا جەماوەری بتنێ بۆ پارتینە و ئارمانجا دەولەتبوونا كوردستانێ؛ ل پێشیا گەلەك شۆلان دانایە؛ بۆ نموونە بریاردانا ل سەر ریفراندۆمێ و بەرهەڤیا قوربانیدانێ هەتا بسەركەفتی و بوویە تاپۆیەك د دەستێ كوردستانیان دا و ل هەردەمێ پێدڤی بوو دێ بكارئینن؛ باشترین بەلگەیە ل سەر ڤێ چەندێ. لەوما سیاسەتا حەكیمانە یا سەركردایەتیا كوردستانێ و ب تایبەت یا لێڤەگەرێ كوردستانێ كاك مسعود بارزانی جهێ باوەریا هەمی كوردپەروەر و كوردستانی پەروەرایە. نموونەكا دی یا جوان كو من ل كوردستانێ ل ڤان سالێن دوماهیێ كو گەلەك ژ برایێن عەرەب یان نەتەوەكا دی ژ ئیراقیان چ ب مەرەما بزنسمانی، یان ژی مامۆستایێن زانكۆیان یان ژی ب هەر ئەگەرەكا دی بیت، نوكە ئاكنجینە ل كوردستانێ و د سوپاسدارن و د دلخۆشن كو بهێن هژمارتن كوردستانی و بەلكی فێری زمانێ كوردی ژی بووینە ب حەز و رازیبوونا خۆ و بەرۆڤاژی وێ عەرەبكرنا ب دارێ زۆری ب سەرێ كوردان دئینا و بێ دلۆڤانی ب سە دان شیوازان كورد دكوشتن.
ئەڤە ژی بۆ سیاسەتا حەكیمانە یا سەركردایەتیا كوردستانێ و كەسایەتیا لێڤەگەرێ كوردستانیان ڤەدگەریت كاك مسعود بارزانی و ئامۆژگاریێن جەنابێ وی و دوپاتكرنا وی هەردەم ل سەر خورتكرنا پێكڤەژیانێ د ناڤبەرا هەر هەڤوەلاتیەكێ ل سەر ئاخا هەرێما كوردستانێ بژیت ب مەرج ئەو ئاكنجی رێزێ ل رێنما و قانوونێن هەرێما كوردستانێ بگریت.
ئەڤە ژی تمامكرنەكە و بۆ هزرا بارزانیێ باب دزڤریت، ل دەمێ سالا ١٩٥٩ بریار دای كو ناڤێ حزبا وی ژ (پارتی دیموكراتی كورد) بهێتە گوهارتن بۆ (پارتی دیموكراتی كوردستان)، ئانكو مەبەستا وی ژ ڤێ چەندێ ئەو بوو كو ئەڤ حزبە یا كوردستانیان هەمیانە ب هەمی پێكهاتەیان ڤە ب ئایین و نەتەوەیان ڤەیە و نابیت زۆرداری ل سەر ئاخا كوردستانێ ل چ كەسێ بهێتەكرن.
