ژبەر ماددەیێن هوشبەر بۆ چار سالان دێ هێتە سزادان
ستێرا چیكی ماریكیتا فۆندرۆسۆفا هەلكرا ناسناڤێ قارەمانییا ویملبدۆن بۆ یارییا تێنسا ئەردی بەرانبەر سزایێ چار سالانە ل دووڤ ڕێنمایێن فدراسیۆنا نێڤدەولەتی پشتی پشنكینێن بۆ هاتینە كرن كو بەری قارەمانیێ ماددەیێن هۆشبەر ب كارئیناینە ئەوێن بۆ هێزكرنا جەستەیا یاریزانی.
د ڕاگەهاندنەكێ دا لژنەیا دۆڤچوونێ ل سەر ماددێن قەدەغەكری یا فدراسیۆنا تێنسا ئەردی دیار كرییە پشتی پشكینین هاتینە وەرگرتن دیاربوو ماریكیتایێ ماددەیێن قەدەغەكری ب كارئیناینە، ژلایێ خوەڤە یاریزانا ناڤهاتی ڕەدكرییە كو ئەو مادەیێ ب كارئینایی یێ قەدەغەكری بیت و ئەوێ بەلگەنە هەنە بۆ دادگەهێ.
بڕیارە د ماوەیێ دەهـ رۆژێن بهێت دا لژنەیەكا ڤەكۆلینێ دۆڤچوونا تەسەل بكەت و ڕاپۆرتا دووماهیێ بدەتە دادگەهێ، دوور نینە یاریزانا چیكی بۆ چار سالان بهێتە دوورئێخستن و ناسناڤێ قارەمانیێ ژێ بهێـتە وەرگرتن بۆ یا توونسی ئەنەس جابرە.
