دەست ژ قووناغا ئاشتیێ بەرنادەین
سەرۆکێ پەرلەمانێ تورکیا دیار کر، وەکو تورکیا وان دەست ب قووناغەکا دیرۆکی کرینە و هەتا نها ژی پێشڤەچوونێن باش روو داینە و تورکیا دێ بەردەوامیێ دەتە قووناغا ئاشتیێ و گۆت: (ل تورکیا کورد و تورک هەردەم پێکڤە بووینە، کورد و تورک ل تورکیا خوەدان دیرۆکەک هەڤپشکن، پاشەرۆژا کوردان و تورکان ژی پێکڤە گرێدایە و ژ بەر ڤێ یەکێ ژی کەس نەشێت ناکۆکیێ و ئاریشەیان د ناڤبەرا کوردان و تورکان دا دروست بکەت).
نومان کورتولمیش ئەو یەک ژی دیار کر، چو جوداهی د ناڤبەرا تورکان و کوردان دا نینە، قەدەرا مە هەموویان ئێکە، ژ بەر ڤێ یەکێ ژی دڤێت ئەم هەموو پێکڤە کار بۆ بهێزکرنا تورکیا بکەین، دەمێ تورکیا بهێز بیت دێ هەموو پرسێن خوە ژی چارەسەر کەت و ئەم نها ب هەموو رەنگەکێ کار بۆ بهێزبوونا تورکیا دکەین و مە دڤێت ل تورکیا چو جوداهی د ناڤبەرا وەلاتیان دا نەهێتە کرن و هەموو پێکڤە وەکو برا بژین.
