دڤێت زمانێ کوردی ببیتە زمانێ فەرمی یێ پەروەردەیێ
ب پشکداریا هژمارەک زێدە ژ زمانزان و کەسێن ئەکادیمی ل باژێرێ وانێ یێ باکورێ کوردستانێ کۆمبوونەک هاتە ساز کرن و پشکداربوویێن کۆمبوونێ دیار کرن دڤێت زمانێ کوردی ل تورکیا ببیتە زمانێ فەرمی یێ پەروەردێ و گرنگە ل دەڤەرێن کوردی ل گەل زمانێ تورکی زمانێ کوردی ژی ل قۆتابخانەیان وەکو زمانێ فەرمی بهێتە خواندن.
پشکداربوویان دیار کرن، دڤێت ئێدی ئاستەنگی ل هەمبەر پەروەردەیا ب زمانێ کوردی ل تورکیا نەمینیت و دەولەت هاریکاریا سازیێن ئەکادیمی بکەت و بۆدجە ژی بۆ پێشڤەبرنا زمانێ کوردی بهێتە تەرخان کرن.
هژمارەک زێدە کەسێن ئەکادیمی ژ زانکۆیێن هەرێما کوردستانێ ژی پشکداری کۆمبوونێ بوون و راگەهاندن دڤێت زمانێ کوردی د هەموو بیاڤێن ژیانێ دا بهێتە بکارئینان و هەروەسا گرنگە ئەوا ل تورکیا بۆ پێشڤەبرنا زمانێ تورکی دهێتە کرن هەمان تشت بۆ پێشڤەبرنا زمانێ کوردی ژی بهێتە کرن و دڤێت کەسێن ئەکادیمی یێن کورد ژی بۆ پێشڤەبرنا زمانێ کوردی یا ژ دەستێ وان دهێت ئەنجام بدەن.
