هەی تەو میرۆ
ئەحمەد زەرۆ
ل بنارێ ڤی چیاکی
وێهە قەرقۆدەکە
دگۆتن کۆچکا میران بوو
لێ دئێورین ژ هەمی دران
بازرگانن، هۆزانڤانن
حەکیم و لوقمانن
هەژارن بۆ نانی هەوارن
بەلێ دبێژن:
میر ما و بەلێ گزیر پێڕا
چەرخان ددەن هەی فەلەکێ
میر ما و کەتە سەر
قانا پشتێ
دۆمانێن وی خاتینۆک نەمان
پیرەلۆقن
پشت کۆدکن
بەلێ کۆچک بەرف هەڕفتنێ چوو
وێنهە کەلشن
بەر مانە هلاویستی
بوویە کۆچکا میرێ ماران
هەی هۆ هەی هۆ!
دەما تە ب دارکۆکێ خۆ
ستێر ڤەدلڤاندن
خاتینۆک تە دنڤاندن
لێ ئیرۆ نەمان و وەریان
نە بێهنا گولاڤێ تێ و
نە دەنگێ سازان
یێن بەربەلاڤبوون و
نەمان
دەنگ مانە د ڤان گەلی و
نهالان دا و
دبێژن:
هۆ میرۆ ڕۆژا تە چوو
ڕووکێ تە وەریا و
چرمسی
حنێرا تە تنێ کەتە
دەڤێ کۆچک و دیوانان و
هەی تەو میرۆ.
