ھەیڤانە ھەشت نشتەگەری بۆ سەلام یوسف دھێنەکرن
ئەڤرۆ:
سترانبێژ(سەلام یوسف) ماوەکە یێ نەخوەشە و ھۆکارێ ڤێ نەخوەشیێ ژی نەچارە ھەر حەفتیێ سەردانا ھەولێرێ بکەت و دو نشتەگەری بۆ ب لێزەرێ بھێنەکرن، ناڤبری ھۆکارێن نەخوەشیا خوە بۆ بەرپەرێ ھونەریێ ئەڤرۆ ئاشکرادکەت.
دوھی سترانبێژ سەلام یوسف، ل نەخوشخانێ ل باژێرێ ھەولێرێ بۆ بەرپەرێ ھونەری یێ ئەڤرۆ گۆت: نەخوەشیا (غدە) و ھەودان بوومن پەیدابوویە، ناڤبری ئاماژەکرە وێ چەندێ کو ڤێ نەخوەشیێ پێن وی وەرماندینە و دیسان نەشێت زێدەتر ژ (١٠) خولەکان ل سەر پێن خوە راوستیت.
ناڤبری ئاشکراکر کو ھەموو رۆژێن ئێک شەمبی دھێتە ھەولێرێ و ب لیزەری نشتەگەری ب دو روونشتنان دھێتەکرن، مەزاختیێ ئەڤان نشتەگەریان و ھاتن و چوون گەلەک دھێتە مەزاختن، گۆت: بتنێ ئەڤ ئامیرە ل ھەولێرێ ھەیە.
ل دووماھیێ، سەلام یوسف ئاماژە کرە وێ چەندێ کو ساخلەمیا وی یا باشە گۆت: من چ داخوازی نین و بتنێ داخوازم ژجھێن بەرپرس پشتەڤانێ ھونەرمەندان بن.
