محەمەد عەرەب: پاشئێخستن بۆ چو یارییان نابیت و سیستەمێ هەڤڕكییان دێ هێتە گوهۆڕین
د داخویانیەكێ دا سەرۆكێ لژنەیا دادڤانان ل فدراسیۆنا فوتبۆلا ئیراقێ ڕاگەهاند وەرزێ نوو 2026-2027 یا خولا ستێرێن ئیراقێ دێ ل ناڤەڕاستا تەباخا بهێت دەستپێكەت د هەمان مەهـ دا بڕیار بۆ دانانا كۆپا سۆپەر دناڤبەرا چار یانەیان.
زێدەتر محەمەد عەرب گۆت: د دووماهی كۆمبوونا خوە دا فدراسیۆنا نوو یا فوتبۆلا ئیراقێ ب سەرۆكاتییا یوونس مەحموود چەند ڕێنما و بڕیار هاتنە دان و بڤی شێوەیی، ل 14ێ تەباخا بهێت دێ دەست ب وەرزێ نوو 2026-2027 یا خولا ستێرێن ئیراقێ ب پشكدارییا 20 یانەیان هێتە كرن و سیستەمێ هەڤڕكییان دێ هێتە گوهۆڕین كو ب شێوەیەكێ هەر حەفتیێ ئێك گەر بهێتە كرن نەك هەر چار رۆژان یارییەك بیت، ئەڤە ژی ژبۆ بارسڤكییەكێ بۆ هەموو یانەیێن پشكدار د خولێ دا، هەروەسان هیچ یارییەك ژبەر هەر ئەگەركێ پشكدارییا تیمەكێ ژ دەرڤەیی خولێ كو قارەمانییەكا ئاسیا یا كەنداڤی هەبیت یاریێن وان نا هێنە پاشئێخستن، دێ خشتەیەكێ ڕێكخستی بێ دەستكاری هەتا ب دووماهی هاتنا خولێ هێتە دانان ئەوا بڕیارە ل 30ێ ئەیارا سالا 2027ێ ب دووماهی بهێت.
ژلایەكێ دووڤە ناڤهاتی گۆت: بڕیارا ڕێكخستنا قارەمانییا كۆپا سۆپەرا ئیراقێ كەڤتیە د بوارێ بجهئینانێ دا بۆ وەرزێ ئەڤ سالە كو دێ د مەها تەباخا بهێت ژڤانەك بۆ هێتە دەستنیشانكرن ب پشكدارییا چار یانەیێن ڕێزێن ئێكێ یێن وەرزێ ئەڤسالە و یاری دێ بڤی شێوەیی بن، قارەمانا خولێ یانەیا جەوییە دێ بەرانبەر خودانا ڕێزا چارێ بیت یانەیا زەورا، خودانا ڕێزا دویێ یانەیا شورتە دێ بەرانبەر یانەیا هەولێرێ بیت خودانا ڕێزا سێیێ، سەركەڤتیێ هەر یارییەكێ دێ دەربازبیتە فینالێ.
ژلایەكێ دووڤە محەمەد عەرەبی ئەوچەندە ژی دیار كر سیستەمێ ڤارێ بۆ دادڤانان دێ ب شێوازەكێ باشت و پرۆفشنال هێتە دابینكرن و دێ خولێن ب هێزكرنێ و زانیاریێن ڤارێ بۆ دادڤانان هێنە دانان، هەروەسان بەرنامەیەكێ تایبەت بۆ دادڤانان هەبیت كو بشێوەیەكێ باشتر یارییان بڕێڤە ببەن.
