هەکار برقی: ئەرکێ مە ب زەحمەتە و دێ بزاڤێن پاراستنا ناسناڤی کەین
د دیدارەکا تایبەت دا د. هەکار برقی ڕاهێنەرێ تیما ڤولی بۆلا یانەیا سەنحاریب قارەمانا وەرزێ بۆ یا خولا ئیراقێ گەشبنییا خوە دیارکر بۆ وەرزێ نوو ئەو ب هێز و هەڤرک پشکداربن ژبۆ پاراستنا ناسناڤێ خوە سەرباری ئەرکێ وان ب زەحمەتە.
زێدەتر ناڤهاتی بۆ رۆژنامەیا ئەڤرۆ گۆت: ل وەرزێ بۆری ب سەرفەرازی بووینە قارەمانێن ئیراقێ و شیاین پشکداریێ د قارەمانییەکا دەرڤەدا بکەین، لێ بۆ وەرزێ ئەڤ سالە ژبەرکو تیمێن دی بەرهەڤیێن خوە باشتر کرینە ژ وەرزێ بۆری لەوما ژی ئەرکێ مە ب زەحمەتە، ژبۆ بزاڤێن پاراستنا ناسناڤی ئەڤە ماوەیێ شەش رۆژە مە دەست ب یەکێن ڕاهێنەران کریە، گرێبەستا حەفت یاریزانان نووی کریە سیێ ژوان نوی هاتینە ناڤا تیمێ، دێ بزاڤێ کەین پاراستنا ناسناڤێ خوە بکەین، ئەرکێ مە وەکۆ قارەمان قورسترە بشێن پاراستنا ناسناڤێ خوە بکەین، بزاڤێن مە بۆ باشکرنا تیمێ دێ بەردەوام بن.
زێدەتر ناڤهاتی دیارکر ژی: ئارمانجامەیا تیمەکا دەگمەن هێز بەرهەڤبکەین، ماندی بوون و کارکرنەکا باش دڤێت هەتا شاشیان کێم بکەیی و ڤالاهی نە مینە تیمێ دا، هاتنا یاریزانێن نوی دەم دڤێت بشی ئامادەبکەی و تێگەهشتن ناڤبەرا وانا و یاریزانێن دی دا پەیدابن، هاریکاری و پالپشتی ژلایێ کارگێری ڤە تیمێ دهێتەکرن، جەنابێ پاریزگاری دکتور عەلی تەتەری گەلەک پالپشتی مە کریە دخوازین ئەڤ سالەژی هاریکار و پشتڤانێ تیمێ بیت، حکومەتی ژی هاریکاریەکا باش تیمێ کریە، یالسەر مە پێدڤی ئەوە ئاست و ئەنجامێن باش بۆ تیمێ دەستڤەبێن.
