باسم قاسم: شاشیێن دادڤانان هەولێر ژ ناسناڤی بێ بەهر كر
د داخویانیەكێ دا باسم قاسم ڕاهێنەرێ یانەیا هەولێر دەستخوەشییا هەموو یاریزانێن خوە كر كو شیان ڕێزا سێیێ ب دەستڤە بینن و دوباتكر هەكە شاشیێن دادڤانان دژی تیما وی نەبا د نوكە دا دا ئاهنگا ب دەستڤە ئینانا ناسناڤی كەن.
هەروەسان ناڤهاتی گۆت: وەرزەكێ ب زەحمەت و پری شاشیێن دادڤانان تایبەت بەرانبەر یانەیا مە، ڕاستە مە ڕێزا سێیێ ب دەستڤە ئینا و پلێـتەكا دەرڤە ژی وەرگرتیە، لێ هەكە ئەڤ ڤەگەڕینە هەڤڕكیێن خولێ و ئەو یاریێن مە ئەنجامداین، دێ بینی زێدەتری 15 خالێن ئەم ژ هەژی ژبەر بڕیارێن نە دروست و شاش یێن دادڤانان بوو ئەگەر ڕێزا ئێكێ ژ دەست بدەین و ناسناڤی بێ بەهر كرین، سەرباری ئەوان ئاستنەگان ئەم بەردەوام بووین ل سەر هەڤڕكیێ ب پشتەڤانییا پارێزگارێ هەولێرێ و سەرۆك یانەیێ كو هەردەم هەڤكار بوون بۆ پێشكەڤتنا تیمێ.
ژلایەكێ دووڤە باسم قاسم گۆت: هێشتا من چو بڕیارێن دووماهیێ دگەل یانەیێ نەداینە بۆ مانا من، رۆژێن بهێت دێ كۆمبوون هەبن و ئەز چو داخوازیێن مەزن ناكەم، بۆ من گرنگە دگەل تیمەكا وەكو هەولێرێ بم و پشكدارییەكا دەرڤە بكەین.
