پێشبینی دكەم مۆندیالا ئەڤ سالە وەكو یێن پێشتر ب هێز و خۆش نەبیت
شاهۆ فەرید:
چەند رۆژێن كێم ماینە بۆ مەزنترین روودانا وەرزشی لسەرانسەری جیهانێ ئەوژی موندیالا 2026ێ كو جەماوەر و حەزژێكەرێن وەرزشی د هەر چار سالان دا جارەكێ چاڤەڕێ یە ژبۆ پشتەڤانی و دیتنا روودانێن وێ، وەكو دیار ئەڤ مۆندیالە ب سیستەم و شێوازێ خوە ڤە یێ جودایە ژ مۆندیالێن بۆری كۆ دبیتە ئێكەم جارە هەرسێ وەلاتێن ئەمریكا، كەنەدا و مەكسیك هەڤپشكی مێڤاندارییا وێ بكەن، هەروەسا هژمارەیا هەلبژارتییان ژ 32 بۆ 48 پشكداران هاتنە زێدەكرن، دیسان پێشتر 64 یاریا ب گشتی دهاتنە كرن د نوكە دا دێ 104 یاری بۆ ماوەیی 39 رۆژان هێنە ئەنجامدان، هندەك هەلبژارتی بۆ جارا ئێكێ یە پشكداریێ دكەن، ل دۆر ڤێ یەكێ رۆژنامەیا ئەڤرۆ بۆچوونا شرۆڤەكارێ وەرزش ل پارێزگەها دهۆكێ وەحید رەشید وەرگرتییە ئەوێ بڤی شێوەیی بۆ خواندەڤانان دایە دیاركرن.
ل دەستپێكێ ناڤهاتی گۆت: زێدەكرنا هەلبژارتیا بۆچوونا من دێ ئاستێ قارەمانێ بەر ب نزمبوونێ ڤە چیت، چۆنكو پشكەكا هەلبژارتین پشكدار ئاستێ وانا گەلەكێ لاوازە دبیت كارتێكرنا خوە هەبیت، مەرەما فدراسیونا فوتبۆلا جیهانی فیفایێ تنێ زێدەكرنا پشكداریا هەلبژارتیا یە، دەرفەتێ بدەتە گەلەك هەلبژارتیا ئەوێن فوتبۆلا وەلاتێن وانا د لاواز بەرێ خوە بدەنە وەرزشێ ئاستێ وێ بلند بكەن، گەهشتنا مۆندیالێ گەلەك وەلاتا بخوە دەستكەفتەكێ مەزن دانایە.
هەروەسان ناڤهاتی گۆت: هەسپێ ڕەش یێ مۆندیالێ دیار نینە بزەحمەتە ژبەركو سێ هەتا چار یاری بۆ دڤێن هەتا ئەم بڕیارێ ل سەر ناسناما هەلبژارتیێن هەسپێ ڕەش بدەین ئانكو تیمەكا سۆپرایز د مۆندیالێ دا، چۆنكو دبیت ئاستێ گەلەك هەلبژارتیا یێ باش بیت، لێ دێ قووناغا كومان دا دیاربیت، دبیت وەكو هەلسەنگاندن ل سەر ئاستێ وان یێ پێشتر چەند هەلبژارتیەك هەبن ببنە هەسپێ ڕەش نموونە هەلبژارتیێ نەرۆویج، یان یاریزانێ هەلبژارتیێ ئسپانیا یێ گەنج لامین یامال وەكو ئێك ژ ستێرێن مۆندیالێ و باشترین بهێتە دیتن، بێ كۆمان چەندین یاریزانێن باش دناڤا هەلبژارتێن دی دا هەنە بۆ باشترین یاریزانی، هەلبژارتێن ب هێز و بەربژار بۆ دەسڤەئینانا مۆندیالێ پێشبینییا بەرازیل، ئەرجەنتین، ئەلمانیا، فرەنسا و ئنگلتەرا و گەلەكێن دی هیڤیا ناسناڤە.
دەربارەیی هەلبژارتێ ئیراقێ وەحید رەشید گۆت: شیان بخوە مفایی زێدەكرنا هەلبژارتیان بینن خوە بگەهینە مۆندیالێ پشتی بورینا نێزیكی چل سالان، كاروانەكێ درێژیێ یاریا خوەڤە دیت هەتا گەهشتیێ، دیاریا ڤەبری سەركەفت و بوو دووماهی هەلبژارتی بۆ خوە گەهاندە موندیالێ، چەندین دەستەكێن یاریزانان هاتنۆچوون مفا ژ دەربازبوونێ نەدیتن، كۆما ئیراقێ یا ب هێزە یاریزان و ڕاهێنەر بەرپرسن ژ ئەنجام و ئاستی.
هەروەسان ناڤهاتی گۆت: دوویرئێخستا چەند یاریزانان ژ پێكهاتەیی ژلایێ راهێنەرێ ئوسترالی ئارنۆلد دێ بزاڤێ گەن پتر یاریا بەرگیریێ بكەتن، چونكۆ دزانیت هەلبژارتێن بەرامبەر فرەنسا و نەرویج و سینیگال چ ئاست هەیە یاریزانێن وانا، ئەو یاریزانێن ژی گرتین لدووڤ پلانا وی ئەوە گونجایی ترن بۆ بەر گریێ هەر 10 یاریزانان كونترۆلا خوە بكەن و ژ دەست نەدەن و خوسارتیەكا كێم گول ژ یاریێ دەركەڤن، سەربۆرەكا باش موندیالێ دا هەیە پلانەكا هێز دێ بۆ هەرسێ یاریا دانیت و دبیت سۆپرایز ژی هەبن، ئەو دووڤ هەستان ناچیت كا چەند گول یاریزانی توماركرینە یان چ پێشكێشریە ئەوی بەرگری هەلبژاریتە چونكۆ دووماهییێ هەموو تشت بۆ وی ڤەدگەریت.
چاڤەڕێ دهێتە كرن ل پێنجشەمبییا بهێت دەست ب هەڤڕكیێن قارەمانییا كۆپا جیهانی بهێتە كرن، یارییا ئێكێ و ڤەكرنا مۆندیالێ دێ دناڤبەرا خودانێن ئەردی هەلبژارتیێ مەكسیك و مێڤانا وێ هەلبژارتیێ باشۆرێ ئەفریقیا بیت ئەوا دێ ل دەمژمێر 10ی شەڤ هێتە كرن.