گرۆپێ (کورد ڤوکس) ب رامانا دەنگێن کوردی دهێت
بێوار حەمدی:
نەژدا عوبەید، سەرپەرشت وریکوردەرێ گڕوپێ کورد ڤوکس یێ مۆزیکێ ددیدارەکێ دا بۆ ڕۆژناما ئەڤرۆ دیارکر کو دڤی گڕوپی دا ئەو سێ کەس وەکو سەرپەرشت کاردکەن و ناڤێ گڕۆپی کریە کورد ڤوکس ژبەرکو ب رامانا دەنگێن کوردی دهێت
دبەردەوامیا ئاخفتنا خوە دا نەژدای دیار کر کو ئەڤ گڕۆپە ژ هزرا برایێ من یێ مۆزیکژەن و پرودیوسەر محەمەد بامەرنی یە و بۆ جارا ئێکێ یە ژ سترانا ( ئاخ چماچما) دەسپێکر و گۆت: دەمێ کو کارێ مە یێ دابەشکرنێ ل هارمونی ستودیۆ ب دووماهی دهێت پاشی ل دووڤ جورێ سترانێ جهەک بۆ گۆتنێ دهێتە دەستنیشانکرن، هەر چەندە نوکە چ داهات بوومە ناهێت لێ ب ئەڤی کاری ئەم حەزژێکرنا خەلکی بدەستخوەڤە دئینین و ئەو مورالێ پێشکێشی مە دکەن.
محەمەد نزار کو کارێ دابەشکرن و بەرهەمئینانا بەشێ مۆزیکێ دکەت سەبارەت گرۆپی دیار کر کو پرودیوسەر ب ڕێیا شیانێن خوە دشێت ببیتە ڕێنیشاندەر بۆ ئەندامێن گرۆپی و تەمامکرنا وان کێم وکاسیێن دناڤ کاری دا و گۆت: ب سوپاسی و سەربلندی ڤە دبێژم کو دڤی دەمێ کورت دا کو کێمترە ژ هەیڤەکێ مە پتر ژوێ یا مە هزر بۆ دکر پێشوازیەکا گەرم ل کارێ مە هاتەکرن.
محەمەدی ئاماژە ب وێ چەندێ ژی کر کو گروپێ وان چ قەیدو سنوور نینن، بتنێ هەر کەسەکێ بەهرەیا ژەنینا ئامیرەیەکێ مۆزیکێ یان سترانگۆتنێ ل دەف هەبیت دشێت دگەل مە دا پشکدار ببیت ژ هەردوو رەگەزان وگۆت : ژبۆ داهاتی ژی مە پلانێن گەلەک باش هەنە ب رەنگ و تاما هەر چار پارچەیێن کوردستانێ و ئارمانجا مەیا سەرەکی خزمەتکرنا خەلکێ یە..
