ئسرائیل: دێ هندەک دەڤەران چۆل کەین
بنیامین نەتانیاهۆ سەرۆک وەزیرێن ئسرائیلێ دیار کر، رێککەفتنا وان ل گەل لوبنانێ ژ بۆ ئسرائیلێ سەرکەفتنەکا دیرۆکی یە، د هەمان دەمی دا ئەو یەک شکەستەکا گەلەک مەزنە بۆ ئیرانێ.
سەرۆک وەزیرێن ئسرائیلێ دیار کر، ل گۆر رێککەفتنێ دێ ئسرائیل هندەک دەڤەران ل باشورێ لوبنانێ چۆل کەت، لێ دێ ب توندی چاڤدێریا بزاڤێن حزبوللا لوبنانێ ژی هێتە کرن و هەردەمێ هەست بهێتە کرن حزبوللا دێ ئاریشەیان دروست کەت هێزێن ئسرائیلێ دێ ب توندی ل حزبوللاهێ دەن.
نەتانیاهۆ ئەو یەک ژی دیار کر، هێزێن ئسرائیلێ نها ژی د ئامادەباشیەکا تەمام دانە و دێ ل دەڤەرێن ستراتیژی ل لوبنانێ مینن و دێ چاڤدێریا رەوشێ کەن، چونکی حزبوللا ب هەموو رەنگەکێ ل دژی رێککەفتنێ یە و بزاڤا تێکدانێ دکەت، ژ بەر ڤێ یەکێ ژی هەموو هێزێن ئسرائیلێ د ئامادەباشیێ دانە.
