ئیران ب توندی بەرسڤا ترامپی ددەت
دۆنالد ترامپێ سەرۆکێ ئەمریکا بەری دو رۆژان راگەهاند کو هەکە ئیران پێگیریێ ب ئاگربەستێ نەکەت ئەو دی ب توندی ل ئیرانێ دەن و چو تشتەک ب ناڤێ ئیرانێ نامینیت و گرنگە بەرپرسێن ئیرانێ ئاگربەستێ پێشیل نەکەن.
ل هەمبەر داخویانیا توند یا ترامپی دوهی ئیسماعیل بەقایی پەیڤدارێ وەزارەتا دەرڤە یا ئیرانێ ژی دیار کر، چو دەمەکێ باوەریا وان ب ئەمریکا نەهاتیە و ناهێت ژی، چونکی هەر دەمێ وان ل گەل ئەمریکا دەست ب دانوستاندنان کربیت وی دەمی ئەمریکا یان ژی ئسرائیلێ ئێرشی ئیرانێ کریە.
ناڤهاتی ئەو یەک ژی دیار کر، ئیران ب چو رەنگەکێ دەست ژ مافێن خوە بەرنادەت و رێڤەبرنا دەرتەنگا هورمزێ ژی دێ د دەستێ ئیرانێ دا بیت و گەفێن ترامپی ژی چو گرنگیا خوە نینن و وەکو ئیران وان خوە بۆ هەر ئەگەرەکێ بەرهەڤ کرینە و هەر دەمەکێ ئەمریکا ئێرشی ئیرانێ بکەت ئیران دێ ئێرشی هەموو بنگەهێن ئەمریکا ل دەڤەرێ کەت.
