ل جەژنیكان ب تنێ د رۆژەكێ دا من 17 زارۆك ڤەشارتن
سالار محەمەد دۆسكی:
7-11
ئەم چووینە رەبیێ دا و نیشانا مە ئەو بوو هەر رەبیەكا بهێتە ستاندن بەتەنیەكێ گازێ پێدا بكەن و ب سوژن بۆ سپێدە و مە هنارتن و مە راپورت نڤێسی و مە پێشمەرگە ل گەل هنارتن و مە راپورتا خوە دا ئاماژە پێكر كو ئەڤان كەسان شەر نەكرینە و ئەڤان هاریكاریا مە كریە و ئەز بێژم پشتی وێ چەندێ هاتنە ئازادكرن بخوە چوونە نێروە، بۆ سپێدە رەبیەكا وەكی گرێ مالتایێ یە یا ل دەسپێكا دێرەلوكێ و زالگەهـ ل وێرێ یە و ئەوێ رەبیێ هندەك ژ دێرەلوكێ وهندەك رەبیێن دی تێدا بوون و هاتبوونە تێدا و گەلەك مرۆڤ تێدا بوون و رەبیەكا دی ل سەر جادێ بوو دناڤبەرا گوهەرزا نوكە و ێڤە تر ل سەر جادێ بوو و ئەم ب خاركەفتین كومەكا پێشمەرگا و بارانەكا هوسا دژوارە دەرزیێ زوها ل بەرمەدا نەمایە و هەریە و شەرە و ئەم ب خوار كەفتین و بەرەف وێ رەبیێ ڤە چووین ئەو رەڤین و چوونە بركاهینی و بركاهینی ئەو گرە و بركاهینێ دناڤبەرا گوهەرزا ڤێكاڤێ و بەلاڤە و ل سەر جادێ و بەلاڤە وێڤەترە و دناڤبەرا هەر دو گوندان باسكەكێ گری یە و مەقر سریەك لێ بوو و ئەو مەقر سری ئاسێ بوو و ئەو رەڤین چوونە وی مەقر سری و ئەم چووینە رەبیێ دا عەلاگەكێ پرتەقالا ل وێرێ یە و فیشەكێن مە خلاس ب بوون و مە ساجورێن خوە داگرتن و مە پرتەقال خارن و هەر ئێك ژ مە پرتقالەك گەهشتێ و ئەم زڤرین هاتینە وێ رەبیێ ئەوا وەكی گرێ مالتایێ، هندەك ئارپیچی و رەمی و بیكەسی مە هاڤێتنێ ئێكسەر دو مرۆڤ رابوونە سەر دیواری و گازیكرن ئەم دێ خوە رادەست كەین و پێشمەرگە ژ هەمی ئالیەكی ڤە ل دورێن رەبیێ ب سەر كەفتن و پشتی ئەگە گەهشتینە رەبیێ دا مە دیت 24 كەس دناڤ رەبیێ دا هەنە و ئەم چووینە رەبیێ دا و مە دەینەكر چونكە چ كەسەكێ ژ مە نەهاتبوو نە مەشەهید هەبوون و نە بریندار و هەمان دەم ئەو ژی نە بریندار و نە شەهید ئانكو هەر دو ئالی ب سلامەتی بوون، گۆتن ئەم برسی نە دێ بخوە خوارنەكێ دروست كەین و عارفی گۆتێ بخوە خارنەكێ دروست بكەن، رابوون بخوە هندەك گرارا دروست كر، رەبیەكا دی ل ئەوان وێڤەتر بوو و دەمێ دیتی مە غەدرە نەكر و مە چ نەكر و سەرەدەریكرنا مەیا دروستە، گۆتن رەبیا هەژی سێ مرۆڤ تێدا هەنە و بلا ئەو ژی بهێن هوون چلێ ناكەن، من گۆتێ نە من گۆتە ئێكی كا وەرە و ئەم چووینە دەرڤە رەبیێ و من گازیكرێ وەرن وەرن، دەركەفت زەلامەك و كورێ وی و برازایێ وی بوون و پشتی هاتین مە چەكێ وا ژێ وەرگرتن و ئەو ژی هاتن چوونە دناڤ واندا و هاتن و مە ڤەگوهاستنە گوهەرزێ و ئەم نەدشیاین دەڤەرا بگرین و پشتی وی دەمی شەرێ دێرەلوكێ ب دووماهی هات، دووڤدا مە عملیاتا فرۆكخانا بامەرنێ ئەنجامدا و ل وێرێ ژی مە پشكداری تێدا كر و دووماهیێ ل كەمینان ژی مە پشكداری تێدا كر.
زیندانیێ سیاسی، نصرەت بادی گۆتژی: 8/8/1988ێ دەمێ شەرێ ئیراق و ئیرانێ راوستایی و راپورتەك بوومە هات كو لژنە بهێنە دروستكرن و ل گوندان بگەرین دا مورالا خەلكێ گوندان نەهێتە خوار بەلكو یا بلند بیت و ئەم چووینە گوندێ هێسێ و ئەو گوند بوومن ل گەل هندەك گوندێن دی كەفت بوون ب وێ مەرەمێ وەك پێشتر مە ئاماژە پێكری كو بچین سمینارا بۆ خەلكێ گوندی بێژین، گوندی ل سەر بانەكێ مەزن من كومكرن و ئەز بۆ ئاخفتم و من بەحسێ كاودانێن دەڤەرێ بگشتی كر و رەوشا مللەتێ مە و كەسەكی دەستێ خوە راكر و گۆت سەیدا من پرسیارەكا هەی، گۆت: ئەڤ راوستاندنا شەری دناڤبەرا ئیراق و ئیرانێ بەحسێ مە كوردان تێدا هەیە یان نە؟ من گۆتێ نەخێر بەحسێ مە تێدا نینە و ئێكسەر گۆت بخودێ یا مە چوو، من ژی بەرسڤ نەدا ما دێ چ بەرسڤا وی دەم، ئەنفال دەسپێكرن و ئەو لەشكرێ ل سەر سنورێ ئیرانێ هەر هەمی بەرەف دەڤەرێن مە ڤە هاتن و كوم كومە لەشكر هات و ئەم یێ ب چاڤێن خوە دبینین و ئەز بخوە ل گوندێ بوتیامە و عارف و مراد ل ئالیێ دی بوون و كاك تەمەر رەمەزان و ل گەل بەرپرسێن چەند رێكخراوا وی دەمی تەمەر رەمەزان بەرپرسێ لژنا ئامێدیێ یا پارتی دیموكراتی كوردستان بوو و ب بهانا وێ چەندێ ئەم چووینە كو ئەم سەركەفتینە كورێ مزگەفتا جهێ قەسرا سەدامی هندەك رەبیە ل سەرێ گارەی بوون و ب فرۆكێن ئەلیكوپتەرێ ئەرزاق بۆ دهات و ب وێ مەرەمێ دا ئەوا رەبیا بستینین و ئەم زڤری بووین، هەڤالا گۆت بوومن تو هەرە بوتیا و ئەم دێ مینە ل وێرێ و ئەز مامە ل بوتیان، خودێ ژێ رازی ئەز و بورهان ل سەر بركەكێ بووین و مە دەستێن خوە دشیشتن و من بەرێ خوە دایێ ژ ئالیێ شەریفان ڤە سیناهی یا زەلامەكی هات قولپی و پاشی من دیت ئێكێ دی ژی قولپی بەرحەسی بوو من د دیت و من گۆتێ بورهان ئەوا هە مەفرەزەك هاتە مە و مە كرە غار ئەم گەهشتینە كەپرا خوە و مرۆڤەكێ مە ل وێرێ بوو بناڤێ سەگڤان نوكە ل ئەلمانیا دژ و من گۆتێ سەگڤان بیكەسیێ ب هەلگرە و هەرە چەپەرێ سەرەری و راست هەما رەەمیێ لێ بكە و گۆت چەوا من گۆتێ دبێژمە تە هەر ئێكسەر رەمیێ لێ بكە و مە ساجورێن خوە كرنە بەر خوە و ئەم راست ب سەركەفتینە سەری و هەتا ئەم گەهشتین سەگڤانی هاڤێتێ و ئەوان ژی بەرسڤ دا و هاربێن بوتیا ل گەلیێ بەرامبەر بوون و ئەو چەكێ زێدە مەدابوو نەڤێ و ئەوا ژووردا دانایێ ب تڤەنگا ئینا راسوتیان و نەشیان شەری بكەن چونكە ئالیێ تەنشتێ ژی ڤە مە دانایێ جارەكا دی زڤرینە ڤە و مەفرەزەكا ئستخباراتێ بوو و چوو، هندە ژ هەڤالێن مە چووبوونە بەر جادێ ب بهانا وێ چەندێ عارف و كاك تەمەر رەمەزن ئەو دێ هێن دەربازبن و ئەوا ژی دانا قافیلا و جێبەك ل سەر جادێ سوت وئاگر بەربوویێ و مەنەزانی ئەوێت دا دا چلێ هات و رەمی ل تانكا پانزینێ هاتبووكرن.
