5 مـفایێن ڤەشـارتی د ئەپلیکـەیشنا سەقای دا
پەروین سەلاح :
دەمێ تو ل باشترین ئەپلیکەیشنێن ئایفۆنێ لێدگەری دێ ب دەهان هەلبژارتنان بینی کو بەلێنێ ب تایبەتمەندیێن پێشکەفتی و ئەزموونێن دروست تر ددەن.
لێ گەلەک ژ ڤان ئەپلیکەیشنان گرنگترین کارێن خۆ دکەنە پشت پارەیێ، ئەڤە ژی د دەمەکێ دایە کو گەلەک کەس ژ ئەپلیکەیشنەکا بێ بەرامبەر بێ ئاگەهن کو ل سەر تەلەفۆنێن وان هەیە: ئەپلیکەیشنا سەقای یا “ئەپل”.
هەر چەندە ئەپلیکەیشنا سەقای یا د ناڤ iOSێ دا، رەنگە نە یا هەرە ناڤدار بیت د ناڤ ئەپلیکەیشنێن تایبەتمەند دا، لێ کۆمەکا مەزن ژ ئامراز و زانیاریێن ب مفا پێشکێش دکەت بێی رێکلام و پارەیێ، و ژبلی ڤێ یەکێ دیزاینەکا سادە و جوان هەیە کو ل گەل فەلسەفا “ئەپل” دهێت، ب گۆرەی راپۆرتەکێ کو مالپەرێ “slashgear” بەلاڤکریە.
ل ڤێرێ پێنج رێکان دێ نیشا تە دەین کو هاریکاریا تە دکەن دا کو ب باشترین شێوە مفای ژ ئەپلیکەیشنا سەقای ل سەر ئایفۆنێ وەرگری؟
-1 ئامرازێن زیرەک Widgets ل سەر شاشا سەرەکی بکاربینە.
ئێک ژ باشترین خزمەتێن ئەپلیکەیشنا سەقای ئەوە کو دبیت تە پێدڤی نەبیت ب بنەڕەتی ڤەکەی دا کو تو بزانى رەوشا سەقای چەوایە.
تو دشێی ئامرازێ سەقای بۆ شاشا سەرەکی یان لاپەڕا “ئەڤرۆ” Today View زێدە بکەی دا کو ب لەز و ب ئێک چاڤ لێکرنێ نویکرنێن دەستبەجێ بدەستخۆڤە بینى.
و ئەپلیکەیشن چەند قەبارەیێن جودا یێن ئامرازان دابین دکەت، ژ سندوقەکا بچووک دەستپێدکەت کو پلەیا گەرماتییا نها نیشانددەت، هەتا ئامرازێن مەزنتر کو پێشبینییێن رۆژێن بهێت و رێژەیێن پلەیێن گەرماتیێ و زانیارییێن زێدەتر نیشانددەن.
هەروەسا دشێت هەر ئامرازەک بۆ جهەکێ جودا بهێتە تایبەتکرن، وەک مال یان جهێ کاری، یان دناڤ Smart Stack دا بهێتە تێکەلکرن دا کو جهی ل سەر شاشا سەرەکی کێم بکەت.
-2 چاڤدێریا کوالیتییا هەوای ژ تەلەفۆنا خۆ بکە
گرنگیا سەقای بتنێ ل سەر پلەیێن گەرماتیێ و بارانێ ناوەستیت، بەلکو کوالیتییا هەوای ژی ڤەدگریت کو ب شێوەیەکێ راستەوخۆ کارتێکرنێ ل سەر ساخلەمیێ دکەت، ب تایبەت ل باژێرێن مەزن.
ئەپلیکەیشنا سەقای رێ ددەت کو ب ئاسانی ل سەر داتایێن کوالیتییا هەوای بهێتە زانین ب رێیا لێخستنێ بۆ بەشێ “کوالیتییا هەوای” دناڤ ئەپلیکەیشنێ دا.
و دەما ل سەر ڤی بەشی بهێتە فشارکرن، دشێت بکارئینەر ل سەر ڤان زانیارییان بگەهیت:
– ئاستێ پیسبوونا هەوای یا نها.
– بەراوردکرن دگەل کوالیتییا هەوای یا رۆژا بۆری.
– مەترسییێن ساخلەمیێ یێن ئەگەر.
– گرنگترین پیسکەرێن د هەوای دا.
– داتایێن زێدەتر دەربارەی پارتیکلێن بچووک.
هەروەسا ئەپلیکەیشن رێ ددەت کو نەخشەیەکا جیهانی بۆ چاڤدێریا کوالیتییا هەوای ل دەڤەرێن دەوروبەر یان بەراوردکرنا چەند جهێن جودا بهێتە نیشاندان.
-3 ئاگادارکرنێن سەقای چالاک بکە بەری دەم ب چیت
ئێک ژ بێزارترین رەوشان ئەوە کو ل رۆژەکا هەتاڤ ب دەرکەڤی و پاشی تووشی بارانەکا بێ هیڤی ببی بێی چ ئامادەباشی
ب بەختەوەری، ئەپلیکەیشنا سەقای سیستەمەکێ ئاگادارکرنان دابین دکەت کو هاریکاریا بکارئینەری دکەت بۆ ئامادەبوونێ بۆ گوهۆڕینێن کەشوهەوای.
بۆ چالاککرنا ڤێ تایبەتمەندیێ:
– ئەپلیکەیشنێ ڤەکە.
– فشارێ ل سەر دوگمەیا سێ خاڵان ل سەرێ شاشی بکە.
– “ئاگادارکرنان” هەلبژێرە.
پاشی تو دێ دو بژاردەیێن سەرەکی بینی:
– ئاگادارکرنێن رەوشێن سەقای یێن سەخت.
– ئاگادارکرنێن بارانبارینێ د دەمژمێرا بهێت دا.
هەروەسا دشێت ئاگادارکرن بۆ هەر جهەکێ پاراستی دناڤ ئەپلیکەیشنێ دا ب شێوەیەکێ سەربخۆ بهێنە تایبەتکرن.
-4 ئەپلیکەیشن زانیارییێن فەلەکی یێن تێر و تەسەل تێدانە کو گەلەک ژ بکارئینەران پێ نزانن.
دەما بۆ بەشێ هەیڤێ دناڤ ئەپلیکەیشنێ دا بهێتە لێخستن، دشێت ل سەر ڤان زانیارییان بهێتە زانین:
– قۆناغا نها یا هەیڤێ.
– رێژەیا رووناهیێ.
– دەمێن رۆژهەلاتن و رۆژئاڤابوونا تایبەت ب هەیڤێ.
– دووراتیا دناڤبەرا هەیڤێ و ئەردی.
هەروەسا ئەپلیکەیشن داتایێن دروست دەربارەی ڤان نیشانددەت:
– دەمێ رۆژهەلاتنێ.
– دەمێ رۆژئاڤابوونێ.
– ناڤنجییا دەمژمێرێن رۆژێ ل سەرانسەری سالێ.
و ئەڤ زانیارییە مفادارن بۆ وێنەگران و حەژێکەرێن فەلەکێ و چالاکیێن دەرڤە.
-5 فشارێ ل سەر هەر کاردەکێ بکە دا کو زانیارییێن کورتتر بزانی
ئێک ژ نهێنییێن کێمتر یێن دهێتە نیاسین د ئەپلیکەیشنا سەقای دا ئەوە کو گەلەک ژ کارێن ل سەر لاپەڕا سەرەکی دشێن بهێنە کارپێکرن و پشت خۆڤە رێژەیەکا مەزن ژ زانیارییان ڤەدشێرن.
بۆ نموونە، دەما فشارێ ل سەر رەوشا سەقای یا نها بکەی دێ ڤان نیشان دەت:
– نەخشەیێن گرافیکی یێن تێر و تەسەل بۆ پلەیێن گەرماتیێ.
– بەراوردکرن دناڤبەرا گەرماتییا راستەقینە و هەستپێکری.
– رێژەیێن بارانبارینێ یێن پێشبینیکری.
– پێشبینییێن نڤیسی ب زمانەکێ سادە بۆ سەقایێ ئەڤرۆ.
