من هەلبەست بۆ تە خۆدیکە
ئەلند مزووری
تەجەلا بۆ جوانیا تە
وی دێمێ تەشبیهـ تاڤ و هەیڤ
هندێ ب بەژنا تە ببێژم
تێرا ناکەن چ رستە و پەیڤ
جانیا تە ب چ پەسن نایێ
چ جیهان نینن ژ هەژی تە
گول بەژنا خۆ دچەمینن
ژ شەرما خەمل و جوانیا تە
بەژنا تە شرین و نازە
سحرگەها هەست و چاڤا
من دل بۆ ڤینا تە سازە
دژەنیتن بەر سهـ و تاڤا
نەخشێ تە جوان کێشایە
پاک فریشتەیێن ئاسمانا
دناڤبەرا مە چ نەمایە
نەڤەمینە ل چ ژڤانا
پەیڤێن عەشقا تە شرینێ
ناڤ شعرا من دکەن سەمایێ
مەست دبن ب عەشق و ئەڤینێ
مینا دەروێشێ عەدلایێ
دخازم نەچی بەر خۆدیکا
دەما دنێڕی بەژنا خۆ
وەر هەلبەستا من بخوینە
دێ تێدا بینی جانیا خۆ
ژ وان چاڤێن ڕەش کلکری
هزار تیر ژێ وەشانە من
ئەڤ جان و دل ژ خۆ ڕا بری
عەشق و ڤین کرە ڕێکا من
