فرەنسا پشتەڤانیێ ل سووریایەک نوو دکەت
سەرۆکێ فرەنسا د سەرەدانا خوە یا بۆ سووریێ دا ل گەل ئەحمەد شەرع سەرۆکێ وی وەلاتی کۆمبوو و دیار کر، فرەنسا ئێکەم وەلات بوو هاریکاریا سووریێ کر و نها ژی فرەنسا بەردەوامە ژ بۆ ئاڤاکرنا سووریایەک نوو، فرەنسا پشتەڤانیێ ل سووریایەک نوو دکەت کو تێدا هەموو وەلاتیێن سووریێ ب ئازادی بژین و مەترسی ل سەر چو پێکهاتەیەکێ ل سووریێ نەمینیت و ژ بۆ ڤێ یەکێ ژی گرنگە دەستهەلاتا نها یا سووریێ کار بۆ ئازادیێ و دیموکراسیێ و پێکڤەژیانێ بکەت، ئەو یەک دێ بیتە ئەگەرێ بهێزبوونا سووریێ.
چاڤدێرێن سیاسی ژی دیار دکەن، نها سووریێ بوویە مەیدانا هەڤڕکیا هێزێن جیهانی و پەقینێن دوهی ل شامێ ژی نیشا ددەن کو رەوشا سووریێ وەسا زوو ئارام نابیت و مەترسیا ئالۆزیێن مەزن ل وی وەلاتی هەنە، چونکی هەتا نها ژی پرسا کوردی و پرسا دورزیان نەهاتیە چارەسەر کرن، هەروەسا گرۆپێن چەکدارێن بیانی ژی بەرهەڤ نینن ژ سووریێ دەرکەڤن.
ل گۆر باوەریا چاڤدێرێن سیاسی ل ئالیەکێ ئەمریکا و وەلاتێن رۆژئاڤایی و ل ئالیێ دی تورکیا و وەلاتێن عەرەبی کار بۆ بەرژەوەندیێن خوە ل سووریێ دکەن و ژ بەر دەستێورەدانێن دەرەکی گەلەک زەحمەتە رەوشا سووریێ وەسا ب ساناهی ئارام بیت.
