چو هۆلێن ڤی ئای پی د ناڤا چاكسازیان دا نینن
هەولێر، قائید میرۆ:
رێڤهبهرێ گشتیێ چاكسازیێن ههرێما كوردستانێ ئاشكرا كر، ل شهش ههیڤێن بۆری سێ هزارو 565 كهسێن حوكمکری هاتینه ئازاد كرن و گوت؛ چو هۆلێن ڤی ئای پی دناڤا چاكسازیان بۆ كهسێن دیاركری نینه و ههر كهسهكێ بهێته سزادان و هنارتن بۆ چاكسازیان دێ وهكی وهلاتیهكێ ئاسایی سهرهدهری دگهلدا هێته كرن و حوكمێ خۆ دهرباز كهت.
ئیحسان بابان، رێڤهبهرێ گشتیێ چاكسازیێن ههرێما كوردستانێ بۆ رۆژناما ئهڤرۆ دیار كر، ل شهش ههیڤێن ئێكێ یێن ئهڤ ساله چار هزار و 94 كهسێن هاتینه سزادان ژلایێ دادگههێ ڤه بۆ دهربازكرنا حوكمێ خۆ هاتینه هنارتن بۆ چاكسازیێن ههرێما كوردستانێ، د ههمبهردا سێ هزار و 565 كهس هاتینه ئازاد كرن و پشتی حوكمێ وان ب دووماهی هاتی ڤهگهڕیاینه ناف مالێن خۆ.
ئیحسان گۆت؛ ههروهسا ل شهش ههیڤێن بۆری هندەک كهس ب مهرج هاتینه ئازادكرن، ههروهسا بهردهوام خۆلێن راهێنانێ بۆ كهسێن ناڤا چاكسازیان دهێنه ڤهكرن و پرۆسا خواندنێ ژی یا بهردهوام بۆ ههر كهسهكی هاتیه حوكمکرن و گۆت؛ ل گورهی قانوونێ سالانه هژمارهكا كهسێن سزادای ل زانكۆ و پهیمانگههان درێژیێ ب پرۆسا خواندنێ ددهن و رێنمایێن تایبهت ب خواندنا وان ههنه، ههتا كهسێن هاتینه حوكمکرن ماف ههیه گوتارێن ئایینی ژی بۆ بهێنهدان و تنێ شهش ههیڤێن بۆری 73 گوتارێن ئاینی ل چاكسازیان هاتینه دان.
رێڤهبهرێ گشتیێ چاكسازیان دیار کر کو ل هندهك كهنالێن راگههاندنێ و سۆشیال میدیایێ بهحسێ هندهك بابهتان دهێتهكرن دناڤا چاكسازیێن ههرێما كوردستانێ كو چو راستی بۆ نینه و گۆت؛ ب چو شێوهیهكی هۆلێن ڤی ئای پی ل چاكسازیان نینن و ههر كهسهكێ بهێته سزادان و هنارتن بۆ ناڤا چاكسازیان ل گورهی تاوانا لسهر هاتیه سزادان دێ هێته رهوانه كرن بۆ هۆلا تایبهب ئهڤێ تاوانێ، چونكه ههر تاوانهكێ هۆلا خۆ ههیه و تێكهل نینه.
ئیحسان بابان زێدەتر گۆت؛ بهلێ ئهم وهلاتیان پشتڕاست دكهین چو ژۆر یان هۆلێن ڤی ئای پی بۆ كوڕێن بهرپرس و ههر پێگهههكێ ههبیت نینه، ههموو كهسهكێ هاتیه سزادان بۆ مه جیاوازی نینه كیه و كوڕێ كێیه.
رێڤهبهرێ گشتیێ چاكسازیان زێدەتر گۆت؛ ههروهسا ئامیرهكێ سۆنهرێ یێ پێشكهفتی هاتیه دانان ل ههموو چاكسازیێن مه ههر كهلوپهلهكێ قهدهغهكری بیت ناچیته دناڤا چاكسازیان و رێوجهێن توند ههنه بۆ چوونه ژۆرا چاكسازیان.
ئیحسان بابان ئاماژه پێ كر، ل شهش ههیڤێن ئێكێ یێن ئهڤ ساله خۆلێن چارهسهركرنێ بۆ ئالۆدهبوویێن ماددێن هۆشبهر هاتینه ڤهكرن و ب رێیا كهسێن بسپۆر كار لسهر چارهسهركرنا وان هاتیه كرن ههتا بشێن دهستان ژ بكارئینانا مادێن هۆشبهر بهردهن و 226 كهسێن ئالۆدهبوویێن ماددێن هۆشبهر مفادار بووینه و گۆت؛ چونكه مه سهنتهرێ شیاندن و چارهسهركرنێ بۆ كهسێن ئالۆدهبوویی ب ماددێن هۆشبهر ههیه و سالانه چهندین كهس دهێنه چارهسهركرن.
ئیحسان بابان د بەردەوامیا ئاخفتنێن خۆدا گۆت؛ زۆرترین كهسێن هاتینه سزادان ل ههرێما كوردستانێ ب تاوانا ماددێن هۆشبهره لسهر ئاستێ ههر شهش چاكسازیان، بهلێ وهك ئهركهكێ نیشتیمانی و مرۆڤی مه سهنتهرێن چارهسهركرنێ ل ههموو پارێزگههان ڤهكرینه و سالانه هژمارهكا زۆر یا كهسێن ئالۆدهبووی ب مادێن هۆشبهر دهێنه رزگاركرن.
