هونەرمەند محەمەد مستەفا ب دو سترانێن نوو دێ پێشوازیێ ل حەز ژێکەرێن خوە کەت
هەرهین محەمەد:
هونەرمەند محەمەد مستەفا ددیدارەکێ دا بۆ بەرپەرێ هونەری یێ ڕحژنامەیا ئەڤرۆ گۆت: دناڤبەرا سالێن ٢٠١٤ هەتا ٢٠١٦ دا، بارودۆخەکێ گەلەک نەخۆش و کارەساتبار ب سەر من دا هات و پشتی ڤێ چەندێ، بابی من بۆ دەمێ دوو سالان نەخوش بوو و پاشان وەغەرکرل سالا ٢٠٢١ێ ژی برایێ من سابرێ وەغەرکرو هەردیسان خارزایەکا من د تەمەنەکێ بچویک دا وەغەرکر و ئەڤێ چەندێ کارتێکرنەژا مەزن ل سەر دەرۆن و ژیانا من یا هونەری کر.
محەمەد ل دۆر نووترین کارێ خوە یێ هونەری دبێژیت: من دوو ستران هەنە، سترانەک یا من یا بەرێ یە من دڤێت دووبارە نووی کەم و سترانا دیژی نوکە من پەیوەندی دگەل هندەک برادەرو هەڤالێن خۆ یێن هونەرمەند کرینە و دبیت ئەڤان هەر دوو بەرهەمان ل نێزیکترن دەم بەلاڤ کەم.
زێدەترگۆت: ئەز گەلەکێ چوویمە دەواتان و من گەلەک زەحمەت یا ل دەواتا بری، چونکی ئەوی دەمی دوو روژ بوون و سێ روژ بوون و ئەم نەدراوەستان و نوکە یا گەلەک ب سانەهی کەتی، راستی دا خوازیک سەر من یا هەی، بەلێ پا ئەز، ئەز نەشێم، و من ئەو ئەو سەبر نەمایە وەکی بەرێ و ئەز یێ دانە عەمر بووم پچەکێ ب مەزن ڤە چوویم، ژیێ من یێ بوویە پێنجی و شەش سال، ئەڤجا ئەز وێ زەحمەتێ بخۆ چێناکەم، مەژی گەلەک خزمەت یا کری بلا بو گەنجێت نوکە بت، بەلێ مروڤ و پسمام و هەڤال و هەکو دەواتا کەن ژ من داخواز کەن ئەز بێژم.
ناڤهاتی ئەوچەندەژی گۆت: ئەز و رەیان وەکی هەڤالێن ئێک کین، ئەم گەلەک دانوستاندنان دگەل ئێک کین ل سەر سترانا ئاخڤین و ل سەر هونەری و دەنگێ وی گەلەکێ خۆشە و گەلەکێ زیرەکە و ئەوژی هندەک جارا چیتە روونشتنێن تایبەت هەڤالێن خۆ، تایبەت هەنە، ئەو ناچیتە دەواتا بەلێ چیتە روونشتنێن تایبەت دگەل هەڤالێن خۆ و گەلەک دەواتا ژیک ئەز ئەو کەتنە دگەل ئێک، مە ستران پێکڤە گۆتینە و گەلەک حەز دکەت ژ ستران و مەوالێن من دکەت و گەلەک جاران دبێژیت و دەمێ برایئ من ژدەڤەی وەلاتی دهێت هونەرمەند ئەحمەد مستەفا ژەنیارێ عودێ یە و ئەوژی دەرچوویێ پەیمانگەها هونەرێن جوانە ئەم هەر سێ پێگڤە دگەل ئێک د ڕوینە خارێ مە پێگڤە ستران گوتینە.
هەروەسا گۆت: من تێکلیەکا باش ل گەک سترانبێژێن داوەتا، هەموویان یا هەی، هەمی برادەرو هەڤالێن منن، چونکو ئەز یێ حازر بوویم ل گەلەک داوەتان دا د گەل وان و من شیرەت ل وان کرینە و سترانێنت من یێت نووی و کەڤن ل دەواتان گۆتینە و دەمێ گوهـ لێ دبن کەیفا من گەلەک دهێت و ئەوژی خۆش دبێژن وەکو سترانا ژ تاخێ مە وێ ڤە و هەی داوو عەنەرێ من و هەمی مراد و ئەی بارزانی و گەلەکێن دی و هونەرێ سترانبێژێن دەواتان گەلەک ب ساناهی کەفتیە و دهول و زرنا ژی یا دگەل،ئانکو گەلەک گەلەک بێتە سەرێ ئێک دەمژمێرەکێ سترانێ نابێژن، نەوەکو مە بەرێ د گۆت سەر ئێک چەند دەمژمێران ئەم دوەستیاین وەکو دیژی نابینم ئەڤ سترانبێژە چو کلیپان چێکەن، هەر ئێکی هەکە پارچەکا سترانێ بێژیت د سۆشیالێ دا دئینتە خوارێ و خەلک بەری خۆ دەتێ و هەر کەسەکێ فێری چوونا دەواتا بوو خەلک دێ بەری خۆ دەتێ، ئەو ژی شەنسەکێ زێدەیە، چونکو دەمەکی ئەم چار پێنج کەسەک د دهۆکێ دا بووین و
بەری خەلکی ل مە بوو و ئەم دچوونە داوەتان، نوکە ژی دیسان هەر وەک هوێنگێ پێنج شەش کەسەکن د زیرەکن و دەنگێ وان دخوەشن و خەلکی ژی بەرێ خۆە دایێ و داخازدکەنە سەر دەواتێن خۆ ، بەلێ حەز دکەم وان ژی کلیپ هەبن، کلیپێت تایبەت بن، هندەک سترانێت خۆ یێت تایبەت هەبن وەک من و هونەرمەند ئیسماعیل جومعە عەبدولواحد و سەمیر سەدیقو هەر ئێک ژ مە تشتێ خۆ یێ تایبەت هەبوو مە ل داوەتان دا دگۆت.
ل دووماهیێ ژی گۆت: سەندیکا هونەرمەندێن کوردستانێ و ڕێڤەبەریا گشتیی یا رەوشەنبیری و هونەری سەردەمێ وان ژی خزمەتەکا زێدە زێدە یا کری، سەردەمێ کاک عادل، حەسەن و ست ئەڤینێ ئەوان تەقسێری نەکر یە و وەکو ئەز هونەرمەند بۆ من بخۆ تەقسێری نەکریە، بەلێ نوکە ئەز دویرکەفتیمە وەک ڕێڤەبەریا گشتی ئەز چمە دەواما خۆ و ئەز فەرمانبەرم ل وێرێ، بەلێ سەندیکایێ ئەز ژ گەلەک مێژەیە نەچوومە وێرێ.
