دەستەسەرکرنا دەمیرتاشی شاشیەک مەزن بوو
کەمال کچلدار ئۆغلۆ سەرۆکێ گشتی یێ پارتا کۆماریا گەل دیار کر، دەستەسەرکرنا سەلاحەدین دەمیرتاش شاشیەک گەلەک مەزن بوو، راستە وی دەمی ئاریشە هەبوون و پارێزبەندیا ل سەر دەمیرتاشی هاتە راکرن، لێ دەمیرتاش ل تورکیا بوو و چو نیەتا وی نەبوو کو ژ تورکیا دەرکەڤیت، ژ بەر ڤێ یەکێ ژی گرتنا وی شاشیەک مەزن بوو و پێدڤیە دەستهەلاتا نها یا تورکیا پێداچوونێ د هەلوەستێ خوە دا بکەت و بریارا دادگەها مافێن مرۆڤی یا ئۆرۆپا هەیە و دڤێت دەمیرتاش بهێتە ئازاد کرن.
ناڤهاتی ئەو یەک ژی دیار کر، ڤێ دووماهیێ ل هندەک دەزگەهێن راگەهاندنا تورکیا بەحسێ ڤێ یەکێ هاتە کرن کو کلچدار ئۆغلۆ دڤێت ل زیندانێ سەرەدانا دەمیرتاشی بکەت، ئەو یەک راست نینە، لێ هەر دەمێ رەوش گونجای بیت دێ سەرەدانا دەمیرتاشی کەم و هیڤیدارم وی دەمی ئەو ل زیندانێ نەبیت.
چاڤدێرێن سیاسی ژی دیار دکەن، یا نها کلچدار ئۆغلۆ دکەت تنێ بۆ ڤێ یەکێ یە دا دەنگێ کوردان ل باژێرێن مەزن یێن تورکیا ژ دەست نەدەت، لێ کورد ژ سیاسەتا کلچدار ئۆغلۆیی گەلەک توورە نە و ڤێجارێ ل باژێرێن مەزن یێن تورکیا کورد دەنگێ خوە نادەنە پارتا کۆماری و ژ بەر ڤێ یەکێ ژی دهێتە پێشبینیکرن کو رێژەیا دەنگێن پارتا کۆماری گەلەک کێم ببن.
