هیڤی و ئۆمێدێن مە ئێكرێزیا ملەتـێ كوردە چونكی ئێكرێزی سەركەفتنە
سالار محەمەد دۆسكی:
9-13
دەمێ یێ بریندار ل نەخوشخانێ كەسەكێ نەدیتم ل ژوورا تایبەت ڤە و پشتی رەوشا من باشت رلێ هاتی و شیایم ل سەر پێن خوە خوە بگرم، ئەو پولیسێ ل بەر من ناڤێ وی عادل ئەحمەد تەیب كورد بوو خەلكێ گوندێ سوریا بوو یا ناڤ گولیان خەلكێ زاخو بوو، ئەڤ پولیسە كورد بوو و مرۆڤەكێ جامێر و خوش مرۆڤ بوو، ئێكێ دی رەئیس عەرەفا بوو بناڤێ ناسر خەلكێ ناصریێ بوو و ئەو بەرپرسێ وی عادلی بوو، بۆ مێژوو دێ بیژم گەلەك جاران عادلی دگۆت كاك لوقمان ئەگەر تو بشێی ب رەڤی دێ مەجالی دەمەتە تو ب رەڤی ئەڤجا دێ چەوا رەڤم؟ دەست و پێ شكەستی و چلێ زڤستانێ و بەفر هات بوو و ئەمنا زاخۆ گەلەك یا ب قوت بوو و ئەمن ژ ئەمنا زاخو ب توند و قوتر نەبوو چونكە سەر سنوری بوو لەوما گەلەك و گەلەك یا بهێز بوو و یا توند بوو ل گەل خەلكی و هەر كەسەكێ شكەك ژێ بربا دا هوسا قوتن دڤێت گۆتبا من یا وەكری و من ژوورا نەخوشخانێ ڤە جگارە كێشان و رۆژێ سێ پاكیتێن جگاران من كێشان و ئەڤە هەمی ب رێكا عادلی دهاتن و من هزر كر رۆژەكێ خوە ل رەئیس عەرەفایی بدەم و بكەمە ژوور ڤە و ب رەڤم و پشای من هزرێن خوە باش كرن نەدشیام ب رەڤم چچونكە من چ پەیوەندی نەبوون و ئەگەر ب چمە سەر جادێ هەر ئێكسەر دێ هێمە دەستەسەركرن ڤە و هەتا من بەرنامە نەبوو من نەزانی ئەگەر ب رەڤم كیڤە بچم و ڤێ سارمایێ و كەسەك نەبوو هاریكاریا من بكەت و من بگەهینتە جهەكی و ب ئەڤان برینان و یا بزحمەت بوو، گەلەك سوپاسیا عادلێ زێرەڤان دكەم و چونكە ئەوی گەلەك دەلیڤە دا مرۆڤێن مە هروری بوون و برایێن شەهید عادل تاها هروری جەمیل تاها و حسێن تاها و خێزانێن وان سەرەدانا من دكر ل گەل مرۆڤیچن وان عبدالرحمان و عبدلرزاق عبدوللا هروری بوون و عادل هروری ئێك ژ هەڤالێن من بوو و من وی پەیوەندی ل گەل ئێك هەبوون و ئێك ژ هەڤالێن بەرەكەتی بوو و ل مویسل ل گەل حەفت كەسان هاتبوونە سێدارەدان و شەهیدكرن سەرا دوزا كوردینیێ و یا مللەتێ كورد، دەمێ دو هەیف دەربازبووین ژ نەخوشخانێ وزڤریمە ئەمنێ و جارە كا دی گەف و گۆتن دڤێت تو دانپیدانێ بكەی و ل دەمێ زرڤراندنا من بۆ ئەمنێ من دیت گەلەك خەلك هاتیە ئەمنێ ڤە و دەمێ ئەو كەس هاتینە ناڤ ئەمنێ دا خوینا من و جلكێن من دیتین و پێلاڤا من، عباس بریفكی، عەبدلباقی هروری و نازم و دەمێ ئەوان سەروبەرێ من دیتی ئەوان ئەز نیاسیم، عباسی ئەز نیاسیم و دەمێ هاتیمە ناف ئەمنێ گۆت ئەڤە توویی لوقمان ؟ من گۆتێ بەلێ هەوە خێرە ئەواژی گۆتن ئەم سەرا بەلاڤووكا هاتینە دەستەسەكرن و ئێكی ئێك ئاشكەراكربوو من خوە ل گەل عاجزكر و من گۆتێ نە شەرمە بۆ هەوە هەوە خوە ئاشكراكرین و ئەوا گۆتن ئەم دین بووین دەمێ مە خوین و پێلاڤ و جلكێن تە دیتین ئەم پتر ترسیاین و هەر من گۆتێ بۆچی هەوە دانپیدان كر و ئەوان گۆت ئەم گەلەك ئەشكەنجەداین، هەر ل زیندانێ دا ئەز دبرمە بەر دەرجكان هەلاویستم و دەرگەهـ ڤەدكر و بەفر هاتبوو داسارما ل من بدەت و ریس و زێرەڤانەك ل وێرێ بوو ب دلێ خوە بوو چەند كێڤلا ل من بدەت و و دەمێ زێرەڤانی دگرت ل سەر بانی ئێكو دو دگهوریبا هەر ئێكی چەندین كێبل لمن دان دووڤ دا دا چیتە سەر بانی و هەمی ل بەر سارمایێ و دو زێرەڤان بوون و ئێك ل خوارێ بوو و ئێك ل بانی و ئێك و دو گوهارتن بۆ قوتانا من، ماوەكی من دیت دەنگەكێ بهێز هات و ئەو تێك هاتن و تێك چوون بۆ قەرەبالغ و ئێكسەر ئەز ژ دەرجكێ ڤەكرم و هاڤێتمە ژوور ڤە و هەمی دەركەتن و بێ دەنگ بوو و دو دەمژێر دەربازبوون و جارەكادی من دیت بۆ دەنگێ بچوویك و ژنكا و قەرەبالغێ و ئەمن تژی كر و ئەم نوزانین بابەت چیە و نە بێژە ئێكی دگۆتنێ جەمیل فەتاح خەلكێ زاخویە و پێشمەرگەكێ زیرەك و مێر چاك بوو و كەسەكێ گەلكە ب جورعەت بوو و هاتبوو مال ل گوندكی و هندەكا گۆت بوو ئەمنێ و ئەمن ژی چو بوویێ و ئەوی شەرێ خوە كربوو و پێ رێڤەبەرێ ئەمنێ شكاند و زێرەڤانەكێ وی كوشت و ئێك بریندار كر و خوە قورتال كر و دەرباز بوو و ئەڤجا ژ كەربان دا ئەمنێ ئەو تاخ هەمی گرت بوون و ئینانە ئەمنێ و ئئەشكەنجەدان و گەلەك ئێشاندن و پێش چاڤێن مە دانانە سەر صوپێ و بیرە مێر و پیرەژن گەلەك قوتان و ئێشاندن، رێڤەبەرێ ئەمنێ كەفتە نەخوشخانێ دا و جەلادیچن ئەمنێ ب ئەڤێن دی ڤە مژوویل بوون و پیچەك ئەشكەنجەدان ل سەر من سست بوو، ئێكی دگۆتنێ ئەبو شەیما رێڤەبەرێ ئەمنا باتیفا بوو و خالێ من مەلا بوو ل باتیفا ملا سەعید خودێ ژێ رازی بیت و ئێكی دگۆتنێ خەلیل ئیبراهیم عەسكەر و خەلیلی ئەو رێڤەبەرێ ئەمنێ نیاسی و هندەك كارو بار و شول بۆ دكرن و رێڤەبەرێ ئەمنێ شیعە بوو و گەلەك باوەری ب خەلیلی دهات و گەلەك جاران دا بێژیتێ وەرە خێزانا من و زارۆكێن من ببە بەغدا و ئەو دا بەتە بەغدا، خەلیل ژی ب هاریكاریا خالێ من كو مەلا سەعید مەلایێ تروانشیا بوو و رێڤەبەرێ ئەمنا باتیفا دهاتە ئەمنا زاخۆ ل جهێ رێڤەبەرێ ئەمنا زاخۆ دەوام دكر چونكە پێ وی هاتبوو شكاندن و ل نەخوشخانێ دا بوو و لەوما خالێ من ل گەل خەلیلی چوونە دەف رێڤەبەرێ ئەمنا باتیفا و بابەتێ من بۆ شرۆڤەكر و ئەز ل زیندانێ دا بووم و من دیت دەنگێ ڤەكرنا دەرگەهی هات و ناڤ بەینەكێ ناڤێ من خاند و روح ژ من چوو و قالب ما و چوومە ژوورا رێڤەبەرێ ئەمنێ و چاڤێن من ڤەكرن و و بەحسێ خالمن مەلا سەعید كر و ئێكسەر منزانی بزاڤا ئازادكرنا من یا دهێتەكرن و تشتەكێ هەی و من گۆتێ مەلا سەعید خالمنە و گۆت خەلیل براهیم عەسكەر تو نیاسی من گۆتێ بەلێ ئەز ویژی نیاسم و رێڤەبەرێ ئەمنێ گۆت دایك و بابێ تە و مەلا سەعید و خەلیل ئیبراهیم عەسكەر هاتینە مالا من ل باتیفا و بەحسێ تەكریە و ئەز رێڤەبەرێ ئەمنا باتیفا مە و خەلكێ بەغدا مە و شیعە مە و ئەز أبو شەیما مە و گۆت راستە رێڤەبەرێ ئەمنا زاخۆ پلا وی ژمن بلندترە بەلێ ئەز كەڤنترم ژوی وەك ئەندامێ حزبێ و گۆت ب ئانەهیا خودێ بزاڤێن مەزنێن بۆ ئازادكرنا تە دهێنەكرن و رەنگە تو بهێە ئازادكرن.
