بوونا سهكردەیێ ئاشتی و نهتهوایهتی و خۆراگریێ
رێژین نهێلی
دهما ل هندهك وهلاتان سهرۆك و سهركرده دهێنه دانان پتریا وان دروستكریێن مێژوویهكا پاقژ و فیداكارانه نهبووینه، بهلكو ڤهرێژا هندهك پهیوهندی و بریِارێن سهپێنهر و دهم كورتن.
لێ ب شانازیهكا مهزن ڤه ل وهلاتێ مه ل دهمێ ڕێبهرێ مللهتێ كورد سهرۆك مهسعود بارزانی خولقیهت بووی و ههمی وێستگههێن ئێش و ئازارێن مللهتی ڕا دهربازبووی و ئاوارهیی و دهربهدهری و قوربانی دیتی ژ هینگێ ئهو سهرۆك بوو واتا خۆدێ خولقیهت كر سهرۆك بیت سهرۆك «مهسعود بارزانی» د بنهمالهكا نیشتیمانپهروهردا مهزن بوو. ههر ژ تهمهنهكێ بچویك دا ئاشنایی ژیانا پێشمهرگه و ماندووبوونا خهباتا نهتهوهیی بوو. ل گهل، سهختترین قووناغێن ژیانێ دهربازكرن ژ پێخهمهت ئارامی و خزمهتكرنا گهل خوه.
چونكو ژبلی ڕێ و رێبازا پیرووزا بارزانیێ نهمر، ئهو ب خۆ ژی كهفته د بن باندۆرا ههستكرن ب بهرپرسیارهتیا مهزنا دۆزا رهوایا گهلێ كوردستانێ و بهردهوام ب ئاشتیخوازانه و كوردپهروهرانه و نیشیمانپهروهری و ئازایهتی و مهردایهتیێ خهبات كر و بوویه ئێك ژ دامهزرێنهر و سهركردهیێ سهربازی. ههتا گههشتیه ئهڤی ژیێ ٨٠ سالێن سهربهرزیێ و دهست نهداهێلانێ ژ دۆزا كوردی و خهباتا بهردهوام بۆ ئایهندهیهكێ گهشتر.
ئهڤرۆ ژی د ٨٠یهمین سالڤهگهرا ڤێ ئیرادهیێ دا، دوباره بیر ل ڕهههندێ نهتهوهیی و سیاسی و حوكمرانی و نیشتمانی و تهباییا جڤاكی و پێكڤهژیان و پاراستنا قهوارێ دهستووری یێ ههرێمێ و دیپلۆماسیهت و پێگههێ ههرێماتیك و نیشتمانپهروهریێ دكهین كو بهردهوام ب ئێك ئارمانج بهر ب مافێ بڕیاردان ل سهر چارهنڤیسێ خۆ پێنگاڤان ب هاڤێژین. بوونا پێشمهرگه و سهروك و رێبهرێ گهلێ كورد سهربهرزی و سیمبۆلا سهرفهرازی و پارێزهرێ ئاڵا و خاكی یه. پارتی ب ڕێبهریا سهرۆك مهسعود بارزانی پێشهنگیا ڤهگوهاستنا خهباتا چهكداری بۆ ئاڤاكرنا دامهزراوهیێن دیموكراتی (پهرلهمان و حكومهت) ل ساڵا ١٩٩٢ێ كر.
لهوراژی سهروك مهسعود بارزانی بوویه ئێك ژ دیارترین كهسایهتیێن سیاسی و نهتهوهیی یێن كوردستانێ و بهرهڤانیكهر ژ خهبات و مێژوو و خۆڕاگری و پاراستنا مافێن گهلی كورد، ههر ب درێژاییا چهندین ژیێ خۆ، ڕۆلهكێ كاریگهر د مێژوویا نوی یا كوردستانێ، شۆڕشا ئیلۆنێ، راپهڕینی ١٩٩١، دامهزراندنا ههرێما كوردستان و بهرگری ل ههرێمێ ل دژی تیرۆرا داعش كریه و ههتا گههشتیه ئێك ژ گرنگترین ڕوویدانێن سهردهمێ سهرۆكایهتیێ ئهوژی ئهنجامدانا ڕیفراندۆما سهربهخۆیی یا كوردستان بوو ل ٢٥ی ئهیلوولا ٢٠١٧.لهورا پێدڤی ههردهم ئهم ب مهزنترین شانازی ڤێ روژێ ساخكهین یا سهرۆكهكێ مینا چیایان ل مه بوویه خۆدان و دهست دانههێلاین.
