سالیادا كۆمكوژیێن كۆچۆ و گرعزێر و سیپاشێخدرێ هاتە ساخكرن
دهۆك، لەزگین جۆقی:
ب ئامادەبوونا د. عەلی تەتەر، پارێزگارێ دهۆكێ و میر حازم تەحسین بەگ، میرێ ئێزدیان و دكتۆرە ڤیان سلێمان، هاریكارا بەرپرسێ مەكتەبا ڕێكحستنا پارتی ل دهۆكێ و هەژمارەكا كەسایەتیێن ئایینی و جڤاكی و كەسوكارێن شەهیدان، ل رۆژا 13/8/2026 ل هۆلا بنگەهێ لالش یێ ڕەوشەنبیری و جڤاكی ڕێوڕەسمێن سالڤەگەڕا 19ێ یا كۆمكوژیا دژی ئێزدیان ژلایێ ڕێكخراوا تیرۆرستی یا «ئەلقاعیدە» ل سالا 2007ێ ل گرعزێر و سیپاشێخدرێ و سالڤەگەڕا 12ێ یا كۆمكوژیا كۆچۆ ژلایێ تیرۆرستێن داعشێ ڤە ل سالا 2014ێ هاتنە گێڕان.
پارێزگارێ دهۆكێ د پەیڤەكێ دا بەحس ل دیرۆكا گەلێ كورد و ئەو جینۆساید و زورداریێن ب سەردا هاتین، هەروەسان زنجیرە تاوانێن ئێك ل دووڤ ئێك هەتا یێن ڤێ دوماهییێ ب دەستێن تیرۆرستێن داعشێ ل دژی هەموو پێكهاتەیان كر و خواست هەموو پێكهاتەیێن ئایینی و نەتەوەیی د ئێكگرتی و كوردستانی بن، ب تایبەت گەنجێن كورد بێ جوداهی هەست ب بەرپرسایەتیا پاراستنا ئاخ و ئالا و پیرۆزیێن كوردستانێ و پاراستنا پێگەهێ پێكڤەژیانێ بكەن.
