مۆزیک
شیان مەهدی کانیسارکی
گۆتنە من
ئەڤە باشترین مۆزیک ژەن
ل جیهانێ، یێ ئامادەیە..
دێ
باشترین
بەرنیاسترین
ب خەمترین
پارچە ژەنیت
ئەرێ دێ بۆ کێ کەیە دیاری؟
بێ دودلی
بێ ڕاوەستیان
بێ هزرکرن
من گۆتێ: ئەو کەسێ
دوهی دگەل من،
ئەڤرۆ نەدگەل من،
هەرشەڤ مێهڤانێ من!
هەمیان دڤیا بزانن
ئەو کەس کییە؟
ئەو چ ناڤە
ئەو کییە؟
هێژ یێ د دلێ من دا زیندییە
و نەمرییە…
ل دویماهیێ،
دەمێ من ناڤێ تە
دیاری کری…
ئەز ژی شۆک بووم
دەمێ هەمیان کریە گری
دەمێ،
مۆزیکژەنی،
مۆزیک ژەنی
پەیڤ دیاربوون یێن من
ئاواز ژی
یێن وی کەسێ بارکری!
من، جاران ب تنێ
هندەک پەیڤ
بۆ خوە د نڤیسین
بێی ئاواز بکەم
بێی بکەم ستران..
ئەو کاغەزێن
من لسەر دنڤیسین
د پەنجەرا ژۆرا خوە ڕا
د هاڤێتنە کۆلانێ
من نەدزانی،
وان پەیڤان باژێر هەمی
یێ عاشقی خەم و ژانێن مە کری…
