فۆرد هاریکارەکێ زیرەک بەلاڤ دکەت زانیاریێن دروست و دەمکی دەربارەی ترومبێلێ پێشکێش دکەت
پەروین سەلاح:
کۆمپانیا فۆرد یا ئەمریکی ب نیازه زیرەکیا دەستکرد د خزمەتێن خو دا زێدە بکەت، ب رێکا پێشکێشکرنا هاریکارەکێ زیرەک بۆ هەشت ملیۆن خودانێن ترۆمبێلێن وێ ب رێکا ئەپلیکەیشنێن سەر مۆبایلێن زیرەک، د قووناغەکێ دا کو پێشیا تێکەلکرنا راستەوخۆ یا تەکنۆلۆژیایێ د ناڤ ترۆمبێلێن کۆمپانیایێ دا دکەڤیت هەتا سالا 2027ێ، فۆرد هاریکاری ب زیرهكیا دەستکرد پێشکێش دکەت، ب رێکا ئەپلیکەیشنا Ford و Lincoln بۆ مۆبایلان، ب مەرج ل سەر پلاتفۆرمێن گۆگل کلاود بهێتە دانان. خودانێن ترومبێلێن فۆردێ دشێت، بۆ نموونە، پرسیارێ ژ هاریکاری بکەن دەربارەی چەند کیسا دشێن د سندوقا پشتا بارهەلگرێ دا جهـ ببن، دگەل پرسیارکرنێ دەربارەی ژیێ رۆنێ مەکینێ، و پەستانا تایەران، و دەم و خشتەیێن پاراستنێ، و هەروەسا مفای ژێ وەرگرن بۆ پلانکرنا گەشتان، فۆردێ بۆ جارا ئێکێ د کۆنفرانسا ئەلەکترۆنیاتا بکاربەران CES 2026 ل مەها کانونا دویێ دا، هاریکار راگەهاندبوو، بەلێ بڕیار دا سەرەدەریێ ل سەر مۆبایلێن زیرەک بکەت بەری کو ڤەگوێزیتە سەر سیستەمێن ترومبێلان ب خۆ، ئەپلیکەیشن دەرفەتێ ددەتە فۆردێ کو تاقی بکەت کا چاوا بکر دگەل هاریکارێ کار دکەن دەمێ ب شێوەیەکێ راستەقینە بکارئینانێ، و باشترکرنا کوالیتیا بەرسڤێن وی، و چارەسەرکرنا ئاریشەیێن باوەریپێکرنێ یێن ئەگەرێ بەری کو ل سیستەمێ زانیاری و خوشیێ یێ رەسەن یێ دناڤ ترومبێلێ دا بهێتە تێکەلکرن.
هەرورسا بڕیارە هاریکار د سالا 2027ێ دا بگەهیتە ترومبێلێن فۆردێ، و دێ ئێکەم جار ل تراکتۆرا فازۆم یا کارەبایی دیار بیت، کو بهایێ وێ 30 هزار دۆلارە، و ل سەر پلاتفۆرمێ جیهانی یێ فۆردێ یێ ترومبێلێن کارەبایی Universal EV Platform هاتیە دروستکرن، ئەڤ خشتێ دەمی سالەکێ کێمتر نادەتە کۆمپانیێ بۆ کۆمکرنا داتایێن بکارئینانێ ل جیهانا راستەقینە ب رێیا ئەپلیکەیشنا مۆبایلێ، بەرێ کو هاریکار بچیتە ژینگەهەکا هەستیارتر، کو تێدا پێدڤیە ب پلەیەکا بلند یا باوەریێ کار بکەت دەمێ بکارئینەر ترومبێلێ لێدێخیت، هوشیاریا دەستکرد د ناڤ ترومبێلان دا و فۆرد بتنێ نینە بەرەڤ ئینانا هوشیاریا دەستکرد بۆ ناڤ ترومبێلان، چونکی جەنەرال مۆتۆرز بەری وێ کەفتیە و مۆدێلا Google Gemini د 4 ملیۆن ترومبێلان دا جێگیر کریە، ب هەڤدەم دگەل هاریکارەکێ هوشیاریا دەستکرد یێ تایبەت ب خۆ ڤە کو دشێت دەستگەهشتنێ ب داتایان بکەت یێن مۆدێلا گۆگل نەشێت دەستگەهشتنێ ب وان بکەت.
هه ر دیسان ریڤیان و مێرسیدس-بێنز هەردو کۆمپانی کار دکەن لسەر پرۆسەیێن تێکەلکرنا تایبەت ب وان بۆ تەکنیکێن زیرەکیا دەستکرد (AI) د ناڤ ترۆمبێلان دا، د دەمەکێ دا کو پێشبڕکێ د ناڤبەرا کۆمپانیایێن دروستکەرێن ترۆمبێلان دا زێدە دبیت بۆ کۆنترۆلکرنا وێ روویێ کو شوفێر ژ رێکا وێ مامەلێ دگەل داتایان و خزمەتێ ئەڤە هەمی وێ چەندێ دکەت کو ئۆتۆمبێل دەربارەی خو و رەوشا خو و دەوروبەرێن خو بزانیت.
فۆرد د ڤێ پێشبڕکێیێ دا پشت ب بەرفرەهیا بەلاڤبوونا خو دگرت، چونکی پێشکێشکرنا هاریکار بۆ هەشت ملیۆن بکارئینەرێن ئەپلیکەیشنێن وێ، دەرفەتێ ددەت بۆ دروستکرنا کۆمەلگەهەکا مەزن بۆ تاقیکرنێ و کۆمکرنا داتایێن بکارئینانێ .
