جەلادێ زیندانـێ گۆت، ئـەز چەند كێڤلان دانمە تـە، دێ هند پەرداغێن ئاڤـێ دەمە تە تو ڤەخۆی
سالار محەمەد دۆسكی:
4-8
من گۆتێ بتنێ ئەز ئەڤێ دزانم و هەر پرسیاركرن و ئاخفتن ئینان و برن و ناڤبەینەكێ من هەستپێكر دو كێبل هاتنە من و چاڤین من گرتی بوون، و من نەزانی ئەو كێبل ژ كیڤە هاتن بەلێ ئەو دبەرهەف بوون، و هەر گۆت دێ باخفە و راستیێ باخفە و من گۆتێ بخودێ چ نوزانم و ئێكسەر دەستێن من گرێدان و قوتانا وان ژی رانن و كێڤلا ل پشتی دەن، و دوڤدا دچیتە فەلاقێ و دەست هاڤێتێ و گەلەك قوتام و هەوار هەوارێن منن و لەشێ منێ نازكە و شنی كەفتە بەر قوتانێ و بێ دلوڤانی هەرێ دانە لەشێ من ب قوتانێ و جار جار ئەوێ بهێنا خوە ڤەدەن و دبێژن دێ راستی بێژی ئەز بێژمێ چ نوزانم جارەكا دی دەست ب قوتانێ دكەنە ڤە، من گۆتێ بۆ خاترا خودێ ئەوا دگۆتن باوەربكە یێ دەستیری دایە و دەستیردان وەرگرتیە، ئەگەر مە گۆتبا بۆ خاترا پێغەمبەر دا گازی كەن وەرە محەمەد ئانكو ترانێن خوە ب مەدكرن، ئەگەر تە گۆتبا بۆ خاترا سەدام دا راوستیت و من ژی گۆت ب قورئانێ ئەم نا بێژین بۆ خاترا سەدام بلا هەر بهێینە قوتان چونكە بۆ خاترا سەدام ژی نابیتە خولەكەك راوستیت و جارەكا دی دەست ب قوتانێ دكەتە ڤە و ما دێ بۆچی وە بێژین وێ شەڤێ چ حال بوو مە نەهێلا و هێلا مە هلاویستی و چوو و نە بتنێ مە بەلكو جهێ قێری و رۆژا حەشرێ یە و هەوار هەوارا خەلكی و گازی دكەن دادی، بابوو، خالو، نەهەرێ كەسەك تەوارا تە ناهێت و پشتی بورینا دەمژمێرەكێ زڤرینە ڤە و ژ هەلاویستنێ ڤەكرم، و جلكێن من دانانە بەر سینگێ من و ئەز ئینام هاڤێتمە ژوورێ ڤە و پشتی دەركەفتی و چوویی ئەو هەڤالێن ژوورێ دا بەزی نە من و گۆت تو نەئاخفتی؟ من گۆتێ نە ئاخفتی مە و نائاخڤم و بلا من ب كوژن و هاتن ل دوورێن من كۆمبوون و ئەم هەر هەمی وەكی ئێك رەزیلین بۆ حالێ ئێك و دو دكەینە گری وی دەمی نڤشكەك دامە یێ زەر بوو و هەڤالەكێ مە گۆتە من خودرێژ بكە من گۆتێ بۆچیە؟ گۆت دێ نیڤشكی ل پشتا تە دەم بۆ جارەكا دی من گۆتێ ما ب دووماهی نەهات؟، گۆت نەخێر و ئەوا گۆت دێ هەر شەڤ پشتا تە دێ نەرم كەین، بۆ جارەكا دی ئەگەر تو بهێە قوتان دا لەشێ تە خوە ل بەر بگریت.
هەمان زیندانیێ سیاسی، بەحسێ چیرۆكەكا خوە یا زیندانێ دكەت و گۆت: جارەكێ ئەم ماینە بێ ئاڤ و كەسەك نەبوو دەستێ خوە ل دەرگەهی بدەت و بێژیت ئاڤێ بدە مە، و ڤێ چەندێ هەمی زیندانی دزانن وی دەمی ئەز بچوویكێ ژوورێ مە، و هەڤالان دگۆت ئەگەر تو دەستێ خوە ل دەرگەهێ زیندانی بدەی و بێژی ئاڤێ بدەنە مە، و من گۆتێ مانێ دێ من كوژن پاشی، و هەڤالان گۆت بەلكو دلوڤانیێ ب تە بەت و من دەستێ خوە ل دەرگەهی دا، ئەوان گۆت كیە؟، من گۆتێ ئەزم مە ئاڤ دڤێت و ئێكسەر هات دەرگەه ڤەكر، و ئەم ئەڤێن ژوور ڤە هەمی ڕابووینە سەر خوە و هەمیان سەرێ خوە چەماند، و نینە كەسەك بەرێ خوە بدەتێ و ئێكسەر گۆتە من سەتلێ بینە و ئەز گەلەكێ تهێنی مە، و فرا ئاڤێ ب زێرا نینە و سە پێن خوە روینشتمە خوار، گۆت بووتە بێژم ئەز چەند كێڤلا دانمە تە دێ هند گلاسێن ئاڤێ دەمە تە من گوتێ بلا، یێ یاریا ب من دكەت و سوندێ ئاڤا تەزی یێ تینت و دبەت و ئەز بێژمێ ئاڤا تەزی دێ ئێكسەر من قوتیت و سوندێ خۆ ڕاكر، و ل پشتا من دا و هەر لێدا و لێدا و گۆت ئەرێ تو نائێشی ما تو حێشتر؟، گۆت من چەند كێڤل دانان؟ من گۆتێ بیرا من ناهێت؟ گۆت دێ دانمە ڤە ژ دەسپێكێ و هەر لەشێ من دا و دانا من و هەر دانا و جار جار هندەك ئاڤ بەردا سەتلا من و یاری ب من كر، و هوسا دانا من هەتا خوە ب دووماهی ئینای و هەتا گەهاندیمە ژوور من 10 پێن ژی لمن دا و هەر هەمی ئاڤا من بارا پتر هاتە رێتن و شلق ڤێ كەفتن و دەمێ چوویمە ژوور ڤە حسێن شەبەك هەبوو و محەمەد ئەمین خەلكێ ڕانیا بوون و رزا بوو و بەزینە من و كرنە گری و گۆت دڤێت تو گەردەنا مە ئازا بكەی، من گۆتێ بۆچی؟ گۆت مانێ مە تو هنارتیە ئاڤێ و تە گەلەك قوتان سەرا مە خوار، و من گۆتێ ما ئەز چووبام یان تو چووبایی هەر ئەڤ حالە بوو و من گۆتێ ئاریشە قوتان نینە بلا ئاڤ دابا بلا ئەز هاتبا مە قوتان ژی.
هەمان زیندانی ئەو ژی گۆت: ئەگەر ئەم چووباینە دەستئاڤێ دارەك ل هنداڤ مەبوو و نەهێلا ئەم ب چەمینن و دا هژمارا هەتا پێنجێ خوینت، و نەهێلا و ئێكسەر دا مە دەرخن و بێژیت هلو ب دووماهی هات، تەنەك ل بنێ ژوورێ بوو و ژوور ژ هەمی روویا ڤە یا گرتی و جهێن هاتن وچوونا هەویی نەبوون، و بتنی گلوپەك بوو و دەرگەهێ زیندانێ ئەگەر هاتبا ڤەكرن كو گازی ئێكی كربا و قوتان ئاریشە نەبوو، بەلكو ئیهانەكرن یا نەخوش بوو و ج جاران مە نەگۆتێ مە دەربێخن بەلكو مەدڤیا مە ب كوژن دا ژ ڤێ نەخوشیێ رزگاربین، هەر دیسا ژوورێن تاكە كەسی هەبوون و گەلەك جاران وێ گەرمێ وێ قوتانێ دا مە هاڤێنە دژوورەكا بتنێ ڤە و رووبەرێ ژوورێن تاكە كەسی مەترەك بوو و گەرمەكا زوور بوو و ئەو خوه و گەرم هەر هەمی دلەشێ تە دا هێتە خوار، پێنچ هەیف و 17 رۆژا مامە دزیندانا كەركووكێ ڤە و تشتێ ژ هەمیان نەخوشتر گەلەك سپه هەبوون و گەلەك نەخوش بوون و نڤستن و روینشتن هەر نەبوو و ئەو خوینا لەشێ مرۆڤی هەر هەمی دخوار و گەلەك ژیان یا نەخوش بوو و مە ب ئەوان دەستان سپیه دكوشتن و ئاڤ نەبوو دەستێن خوە پێ بشوین و هەر ب ئەوان دەستان مە خوارن خوار.
