خەریبم
سیلاڤ بازێرکی
چاڤ شل و کۆرە بوون ژ ڕوندکێن تە
خەریبیێ جەرگێ مە کون کون کر
چ پەیڤ نەمان ڕوندك بوونە ڕێسك
ڕێسك بۆ رویبارێ چار وەرزی
ئەگەر چیایێن ل دەورێن مە…
هەست ب خەریبیا من بۆ تە کربا
پشتڕاستم دا ڕۆژ بۆ ڕۆژێ حەلیێن..
دل ب خەم و خەریبی و چاڤ ب گری
سەروسیمای دەست ژ جوانیێ بەردا
چاڤ ژی بێ ئۆمێد بوون ژ دیتنا تە..
لەوما یێ دەست ژ دیتنێ بەرددەن
ئەگەر هێشتا تو من جوان دبینی..
تە ئاگەهـ ژ وێ تازییا د دلێ من دا نینە
خەریبم.. خەریبم.. خەریبم…
بێی تە! ئێتیمم.. پشت شکەستیمە
شەڤ و ڕۆژ و وەرز یێ د بۆرن..
برینا دلی هەر وەك خوە ما..
نە ڕۆژەك دهەلیت تە ژبیرا من دەربینیت
نە شەڤەك دهێت خەریبیا من ببەت
نە وەرزەك دهێت دلێ مە هوین بکەت
ئێدی شەڤ و ڕۆژ و هەمی وەرز د ڕەشن!
